Biełarusam možna nie płacić pa kredytach, jakija aformili machlary. Voś u jakich vypadkach
Što rabić biełarusu, kali na jahonaje imia machlary dystancyjna aformili kredyt, a bank patrabuje viartańnia?
Kryminalnyja rasśledavańni spraŭ ab machlarstvie ŭ ličbavym asiarodździ, u pryvatnaści, źviazanych z afarmleńniem anłajn-kredytaŭ na paciarpiełaha i vykradańniem u dalejšym hetych hrošaj, časta zaciahvajucca. Tamu pieršy namieśnik prakurora Minska Kazimir Kiežun raić paciarpiełym naŭprost źviartacca ŭ sud ź iskam ab asprečvańni kredytnych dahavoraŭ u paradku hramadzianskaha sudavodstva.
Padstava dla isku — adsutnaść voli kredytaatrymalnika na zaklučeńnie dahavora i machlarskija dziejańni trecich asob, jakija zavałodali piersanalnymi danymi biełarusaŭ (parolami, pašpartnymi danymi, rekvizitami kart, SMS-kodami), piša «MP».
Dla razhladu spravy ab asprečvańni kredytnaha dahavora sudy zapytvajuć materyjały kryminalnych spraŭ i, u zaležnaści ad abstavin, aceńvajuć, ci byŭ u biełarusa namier brać kredyt.
Jość niekalki realnych kiejsaŭ, kali dahavor, jaki zaklučyli machlary, pryznali niesapraŭdnym. 62‑hadovy invalid, jaki nie karystaŭsia internet-bankinham, paviedamiŭ machlaram pravieračny kod z SMS. Sud daviedaŭsia, što za hadzinu afierysty stvaryli ad imia achviary ŭlikovy zapis i aformili kredyt. Dahavor pryznali niezaklučanym, bo vola mužčyny na ździełku adsutničała.
Voś jašče adzin kiejs. Pažyłoj žančynie aformili anłajn-kredyty na sumu bolš za 9500 rubloŭ paśla taho, jak iłžesupracoŭnik pravaachoŭnych orhanaŭ atrymaŭ addaleny dostup da jaje smartfona. Praź indyvidualnyja asablivaści jana nie mahła samastojna ŭ poŭnaj miery abaranić svaje pravy, u suviazi z čym prakuror u jaje intaresach u adzin z rajonnych sudoŭ stalicy nakiravaŭ iskavuju zajavu ab pryznańni kredytnych dahavoraŭ niezaklučanymi. Sud zadavoliŭ patrabavańni prakurora, bo dakazaŭ, što dahavory ad imia achviary i bieź jaje ŭdziełu zaklučaŭ pabočny čałaviek z-za miažy.
«Dahavor, jaki sud pryznaŭ niezaklučanym, nie sparadžaje jurydyčnych nastupstvaŭ. Adpaviedna, bank nie maje prava patrabavać ad hramadzianina, na čyjo imia aformleny kredyt, viartańnia hrašovych srodkaŭ», — tłumačyć Kazimir Kiežun.
Sud admović, kali vyznačyć, što vy byli daŭnim udzielnikam sistemy anłajn-bankinhu, sami prymali aktyŭny ŭdzieł u zaklučeńni kredytnaha dahavora, ale pa nieaściarožnaści pieradali piersanalnuju infarmacyju machlaram. U takim vypadku dahavor budzie ličycca zaklučanym.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii2
Kamientary