Удзельнікі руху Just Stop Oil («Проста спыніце нафту») аблілі супам дзве карціны Вінцэнта ван Гога ў Лондане. Гэта адбылося праз некалькі гадзін пасля таго, як яшчэ двое актывістаў былі прысуджаныя за такую ж акцыю да турэмнага зняволення, піша Бі-бі-сі.
Трое актывістаў Just Stop Oil плюхнулі супам у дзве карціны з серыі «Сланечнікі» (1888 і 1889 гадоў) на выставе «Паэты і закаханыя» ў Нацыянальнай галерэі ў цэнтры Лондана. У галерэі паведамілі, што эксперты ўжо даследавалі карціны і прыйшлі да высновы, што пашкоджанняў яны не атрымалі.
Раней у пятніцу дзве актывісткі Just Stop Oil — 23-гадовая Фібі Пламер і 22-гадовая Ганна Холанд — былі прысуджаныя да двух гадоў і 20 месяцаў турэмнага зняволення за тое, што ў кастрычніку 2022 года вылілі суп на «Сланечнікі», напісаныя ў 1888 годзе.
У відэароліку, апублікаваным Just Stop Oil у сацсетцы X, актывісты гавораць разгневанаму натоўпу: «Ёсць людзі, якія сядзяць у турме за тое, што патрабавалі спыніць здабычу нафты і газу, і гэта цяпер з'яўляецца дзяржаўнай палітыкай. Будучыя пакаленні будуць лічыць, што гэтыя вязні сумлення знаходзіліся на правільным баку гісторыі».
На відэа чуваць, як наведвальнікі выставы крычалі актывістам «Не!» і «Не рабіце гэтага!».
Як паведаміў прэс-сакратар Нацыянальнай галерэі, трое актывістаў увайшлі ў залу са «Сланечнікамі» каля 14:30 (16:30 па беларускім часе). Цяпер яны затрыманыя па падазрэнні ў нанясенні шкоды, паведамілі ў лонданскай паліцыі.
Гэта ўжо трэці выпадак за апошнія гады, калі мэтай акцыі пратэсту Just Stop Oil выбіраюць твор мастацтва з Нацыянальнай галерэі Лондана. У ліпені 2022 года двое актывістаў прыляпілі сябе да карціны Джона Канстэбля «Калёсы для сена» (1821).
Актывісты па барацьбе са змяненнем клімату вылілі чорную фарбу ў знакаміты фантан Баркача ў Рыме
Кліматычныя актывісты ў Берліне заблакавалі дарогу, па якой ехала хуткая. А пасля гэтага абвінавацілі ўлады ў правакацыі
Экаактывісты зрэзалі верхавіну на галоўнай каляднай ёлцы Берліна
Экаактывісты кінулі торт у адну з васкавых фігур у знакамітым Лонданскім музеі мадам Цюсо
Экаактывісты аблілі бульбяным пюрэ карціну Клода Манэ за 110 мільёнаў даляраў
За забойства чалавека ў ІЧУ Барысава арыштавалі двух зэкаў-рэцыдывістаў і 26‑гадовага міліцыянера Кляшчонка8
Каментары
Пільнуйся, любы чытачэ, экаактывістаў, энвайрамэнталістаў, партыяў зялёных, зялёных парталаў, зааактывістаў і падобных адэптаў антыгуманістычных ідэялёгій.
Яны зьняволяць ў апошняга робка цябе з песняй пра ахову прыроды