Pieršyja zamarazki, daždžy i tumany. Jakim budzie nadvorje ŭ apošni tydzień vieraśnia
Sinoptyk Dźmitryj Rabaŭ u efiry telekanała ANT papiaredziŭ ab zamarazkach i mocnych pierapadach tempieratur z 23 pa 29 vieraśnia.
U pačatku tydnia budzie biez apadkaŭ. Unačy i ranicaj miescami mahčymy tumany.
Tempieratura pavietra nočču +3…+8°S, pa poŭdni da +11°S, pa paŭnočnym uschodzie mahčymy zamarazki da -2°S. Dniom u paniadziełak +20… +26° S, u aŭtorak da +26° S.
U siaredzinie tydnia paŭnočna-zachodnija rehijony Biełarusi buduć pad upłyvam atmaśfiernaha frontu z Bałtyjskaha mora, jaki pryniasie z saboj vilhotnyja pavietranyja masy.
U hetych rajonach čakajucca karotkačasovyja daždžy, u toj čas jak na astatniaj terytoryi krainy vierahodnaść apadkaŭ nievialikaja. Viecier budzie dźmuć z poŭdnia, jaho skoraść budzie ŭmieranaj. Unačy ad +8 da +13°S. Dniom — ad +17°S pa paŭnočnym zachadzie da +27°S pa paŭdniovym uschodzie.
U pačatku druhoj pałovy tydnia čakajecca, što atmaśfiernyja franty, źviazanyja z cykłonam, jaki sfarmirujecca nad Skandynavijaj, buduć patrochu pieramiaščacca. Heta pryviadzie da taho, što ŭ bolšaści rehijonaŭ Biełarusi projduć daždžy roznaj siły. Unačy ad +8 da +14°S. Dniom u čaćvier +17… +24° S, u piatnicu ad +14° S pa paŭnočnym zachadzie da +21° S pa paŭdniovym uschodzie.
U zaklučnyja vychodnyja vieraśnia nieba budzie pieravažna vobłačnym, ale časam skroź abłoki budzie prabivacca sonca. Na praciahu dnia mahčymy karotkačasovyja daždžy. Unačy i ranicaj miescami budzie naziracca tuman, bačnaść składzie kala 500 mietraŭ. Unačy ad +6 da +12°S, u siaredzinie dnia ŭ subotu +16…+21°S, u niadzielu +17…+22°S.
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi3
Kamientary