Na minułym tydni z Aŭstryi i Hiermanii pastupiła šmat paviedamleńniaŭ ab hibieli łastavak. Tysiačy łastavak, u asnoŭnym haradskich, šukali miescy, kab schavacca ad daždžu i adpačyć. Hałodnyja, źniasilenyja ptuški čarodami sadzilisia na padakońniki, bałkony budynkaŭ, chavalisia pad dachami. Miortvymi ptuškami była ŭsłanaja ziamla, piša telehram-kanał «Dzikaja pryroda pobač»
Pryrodaachoŭnyja arhanizacyi, prytułki i vałanciory praviali vialikuju pracu, kab vyratavać častku łastavak, adnak šmat ptušak nie vyžyła.
Usio heta praz toje, što na minułym tydni ŭ Čechii, Słavakii, Vienhryi, Rumynii, paŭdniovaj Hiermanii i Polščy prajšli praciahłyja daždžy, jakija pryviali navat da pavodak. Tak, u češskim horadzie Pardubicy viały doždžyk pačaŭsia viečaram u sieradu i išoŭ bieź pierapynku 66 hadzin da suboty, potym išoŭ ź nievialikimi pierapynkami, a ŭ niadzielu a 12-j hadzinie pajšoŭ mocny doždž. Na poŭnačy krainy na 80% byŭ zatopleny horad Krnoŭ, bolš za 10 tys. čałaviek byli evakujavanyja.
Łastaŭki — pieralotnyja ptuški, jakija laciać na zimoŭku ŭ Afryku. Jany jaduć vyklučna nasiakomych. U ich praktyčna niama tłuščavych zapasaŭ, bo pa darozie jany amal zaŭsiody mohuć padsiłkavacca. Takaja stratehija. Ale praź niezvyčajna doŭhija bieśpierapynnyja daždžy ptuški navat stracili mahčymaść lotać, bo nie mahli znajści nasiakomych.
Ekstremalnyja ŭmovy nadvorja, mahčyma, paŭpłyvali na mnohija vidy nasiakomajednych ptušak. Ale ludzi ŭbačyli prablemu tolki ŭ ptušak, jakija mihrujuć čarodami i bolš zaŭvažnyja.
Za apošnija 20 hadoŭ papulacyja haradskoj łastaŭki ŭ Aŭstryi skaraciłasia ŭdvaja. Skaračajecca i kolkaść viaskovych łastavak. A jak paŭpłyvała ciapierašniaja katastrofa na papulacyi łastavak, stanie viadoma na nastupny hod.
U časie bury mocna paciarpieli ptuški. Adziny ŭ krainie prytułak dla ich nie daje rady — jamu patrebnaja dapamoha
U Hrodnie źjavilisia aparaty, jakija vydajuć korm dla kačak i lebiedziaŭ
Troje biełarusaŭ vyratavali paranienaha čornaha busła
U adnym hniaździe ŭ Mazyry naličyli ažno 6 busłoŭ. Heta vielmi redki vypadak
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary