U Hrodnie źjavilisia aparaty, jakija vydajuć korm dla kačak i lebiedziaŭ
Pakul źjavilisia dva takija punkty, u płanach pastavić treci.
U Hrodnie źjavilisia aŭtamaty z kormam dla kačak — ich pastavili na papularnych miescach dla prahułak, paviedamlaje NewGrodno. Za idejaj stajać dvoje miascovych žycharoŭ, jakija ŭžo zapuścili dva takija punkty.
Ideja pryjšła da Michaiła i jaho siabra Alaksandra, kali jany hulali la Jubilejnaha voziera i zrazumieli, što niama čym pakarmić kačak. Rašeńnie nie prymusiła siabie doŭha čakać — siabry vyrašyli stvaryć aŭtamaty z kormam.
Praces raściahnuŭsia na paŭhoda, ale ŭ vyniku ŭsie detali dla aparataŭ jany albo znajšli ŭ siabie doma i ŭ haražy, albo kupili.
Harvykankam padtrymaŭ inicyjatyvu i daŭ zialonaje śviatło pieršym ustanoŭkam. Adzin aŭtamat staić na bierazie Niomana ŭ Pyškach, druhi — u skviery pamiaci voinaŭ-afhancaŭ na vulicy Kurčatava.
Pryncyp pracy aparata prosty: apłačvajecie kartaj — i atrymlivajecie porcyju kormu za 1 rubiel 30 kapiejek. Sumieś raspracavana śpiecyjalna dla kačak i lebiedziaŭ — jana karyśniejšaja za zvykły chleb, jaki ptuškam davać nielha.
Hrodziency aktyŭna karystajucca aŭtamatami: letam pradavałasia da 40 porcyj kormu ŭ dzień. Choć ab prybytku pakul havorki niama, stvaralniki ličać heta sacyjalnym prajektam, nakiravanym na ŭśviadomlenaje karmleńnie ptušak.
U płanach — ustanoŭka treciaha aparata na vulicy Repina. Hety aŭtamat budzie pracavać na soniečnaj enierhii. Kali ekśpierymient atrymajecca, aŭtamaty mohuć źjavicca i ŭ centry Hrodna.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary