Astapienia patłumačyŭ, čamu nastupnaja revalucyja budzie revalucyjaj tyktoku
«Tyktok vam kaža, što treba pahladzieć. I heta stvaraje mahčymaść być niekantralujemym».
Zasnavalnika Centra novych idej sacyjołaha i palitołaha Ryhora Astapieniu ŭ prahramie «Obyčnoje utro» paprasili patłumačyć, čamu jon ličyć, što nastupnaja revalucyja budzie revalucyjaj tyktoku.
Astapienia zaŭvažyŭ, što pieršym pra heta skazaŭ Mikałaj Karpiankoŭ i što siłavik maje racyju.
Pa słovach Astapieni, «tyktok źjaŭlajecca najbujniejšaj sacyjalnaj sietkaj Biełarusi i maje ŭsie mahčymaści dla taho, kab stanavicca viralnymi videa (majecca na ŭvazie over-viral video — virusnaje videa, jakoje raźlatajecca pa vialikaj kolkaści karystalnikaŭ — NN) i dasiahać jak maha bolšaj kolkaści ludziej. Pa sutnaści vy možacie padymać infarmacyjnyja chvali litaralna za paru dalaraŭ, zdymajučy niešta sabie na telefon».
Astapienia zaŭvažaje, što ŭ hetaj sacyjalnaj sietcy «moža niešta naradzicca, što moža stać niekantralujemaj pahrozaj dla dziejučaj ułady». Dziejučaja ŭłada heta razumieje, tamu sama razharnuła vialikuju aktyŭnaść u tyktoku, zapuskaje ŭłasnyja kanały.
Sacyjołah źviartaje ŭvahu na istotnaje adroźnieńnie pamiž telehramam i tyktok:
«U telehramie vy sami vybirajecie kanały, jakija budziecie čytać. U vypadku tyktoku jon vam kaža, što vam treba pahladzieć. I heta stvaraje mahčymaść być niekantralujemym».
Kamientary