Pamiatajecie rektarku Hrodzienskaha ŭniviera, jakaja ŭzarvała tyktok? Na piaty joj nastupaje rektar z Połacka
Kiraŭnictva biełaruskich univiersitetaŭ sprabuje skaryć tyktok.
Rektarka Hrodzienskaha dziaržaŭnaha ŭniviersiteta imia Janki Kupały Iryna Kiturka ŭzarvała tyktok rolikam, dzie moža pačucca abscennaja leksika. Jana pakazała, jak prachodzić jaje dziełavy ranak pad pieśniu rasijskaj śpiavački Volhi Buzavaj «Poka ty biez dieł».
Rolik sabraŭ užo 1,5 młn prahladaŭ.
Na ANT raskazali, jak rektarka zapisvaje svaje videa. Śviatło ŭ kadry joj dapamahaje vystaŭlać pres-sakratar univiersiteta. Ź im ža rektarka abmiarkoŭvaje kantent-płan svajho tyktoku. Jana kaža, što stać błohierkaj jaje padšturchnuli studenty i ciapier jaje roliki pryvablivajuć abituryjentaŭ.
U tyktoku zdymajecca kiraŭnictva i inšych univiersitetaŭ.
Naprykład, błoh viadzie dekan fakulteta miechanizacyi sielskaj haspadarki Sielskahaspadarčaj akademii ŭ Horkach Uładzimir Husaraŭ.
A rektara Połackaha dziaržaŭnaha ŭniviersiteta Juryja Ramanoŭskaha ŭ tyktoku časam zdymajuć studenty. Adzin z rolikaŭ (pad pieśniu kazachstanskaha hurta Iryna Kajrataŭna) sabraŭ 1,6 młn prahladaŭ.
«Otkryvaju dvieri biez kluča,
Naletieli, kak saranča.
Stał bohačie dažie bohača», — śpiavajecca tam.
«Zaŭtra idu padavać dakumienty», — pišuć u kamientarach.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
DFR zarubić ź plača.