Tramp na debatach z Charys zajaviŭ, što mihranty jaduć katoŭ i sabak amierykancaŭ. Adkul uziaŭsia hety miem?
Eks-prezident ZŠA znoŭ uzarvaŭ tvitar čarhovym skandalnym vykazvańniem. Viadučamu debataŭ daviałosia abviarhać słovy Trampa ŭ žyvym efiry.
Adnym ź virusnych momantaŭ debataŭ pamiž kandydatami ŭ prezidenty ZŠA Donaldam Trampam i Kamałaj Charys stała vykazvańnie eks-prezidenta pra mihrantaŭ.
Kali viadučy zakranuŭ temu nielehalnaj mihracyi, Tramp raptam pačaŭ raskazvać pra toje, što ŭ horadzie Sprynhfiłd u štacie Ahajo mihranty jaduć katoŭ i sabak miascovych žycharoŭ.
«U Sprynhfiłdzie jany jaduć sabak — ludzi, jakija pryjechali, jany jaduć katoŭ. Jany jaduć chatnich žyvioł ludziej, jakija tam žyvuć, i heta toje, što adbyvajecca ŭ našaj krainie, i heta hańba», — zajaviŭ Tramp. Jahonaja apanientka na hetych słovach zaśmiajałasia.
Telekanał ABC apieratyŭna pravieryŭ hetaje vykazvańnie, i Devid Miuir u žyvym efiry adkazaŭ Trampu. Pavodle jaho słoŭ, meryja Sprynhfiłda abvierhła hetuju infarmacyju: paviedamleńniaŭ pra toje, što mihranty jaduć sabak i katoŭ ci ŭvohule škodziać chatnim žyviołam, u palicyju nie pastupała.
Tym nie mienš, śćviardžeńnie Trampa imhnienna zavirusiłasia ŭ sacsietkach. U sacsietcy X (były tvitar) źjavilisia dziasiatki tysiač pastoŭ z cheštehami «Sprynhfiłd» i «Jany jaduć sabak». Prychilniki Trampa stali publikavać miemy z sabakami i katami, jakija trymajuć płakaty z nadpisami «Hałasuj za Trampa, vyratuj nas!», «Žyćci katoŭ važnyja», «Nas źjeli haicianie». Na inšych malunkach, zhienieravanych niejrasietkami, Tramp ratuje kačak (časam bolš padobnych da husiej) i katoŭ ad natoŭpu mihrantaŭ.
Ale adkul naohuł uziaŭsia hety miem? Nasamreč abmiarkoŭvać hetuju temu ŭ internecie pačali jašče da debataŭ. U kancy žniŭnia ŭ siecivie zavirusiłasia videa vystupleńnia žychara Sprynhfiłda na pasiadžeńni haradskoj rady. Jon paskardziŭsia na mihrantaŭ z Haici, jakija, pavodle jahonych słoŭ, palujuć na kačak u haradskim parku i jaduć ich.
U zakrytaj haradskoj supołcy ŭ fejsbuku źjaviłasia jašče adna historyja. Aŭtar pasta raskazaŭ, što siabroŭka dački jahonaha susieda nibyta zhubiła kata, a praź niekatory čas znajšła jaho, kali jon visieŭ na drevie kala doma imihrantaŭ z Haici.
Skrynšoty pasta byli padchoplenyja trampistami i raźlacielisia pa siecivie. Temu raźviŭ i kandydat Trampa ŭ vice-prezidenty Džej Dzi Vens.
«Niekalki miesiacaŭ tamu ja padniaŭ pytańnie adnosna taho, što nielehalnyja imihranty z Haici vyčerpvajuć sacyjalnyja słužby i ŭ cełym vyklikajuć chaos pa ŭsim Sprynhfiłdzie. Ciapier prychodziać paviedamleńni, što ludzi, jakija nie pavinny być u našaj krainie, jaduć katoŭ i sabak miascovych žycharoŭ. Dzie našaja ŭpaŭnavažanaja pa miažy», — napisaŭ naparnik Trampa ŭ sacsietcy X. Jahony post sabraŭ bolš za 11 miljonaŭ prahladaŭ.
Paśla Vens dadaŭ, što jamu pastupaje ŭsio bolš padobnych paviedamleńniaŭ, choć jany i mohuć być chłuślivymi.
Mienavita tady zdaryłasia i pieršaja chvala miemaŭ pra toje, jak Tramp ratuje katoŭ i sabak. Nie zastaŭsia ŭ baku Iłan Mask: jon zapościŭ karcinku z kačkaj i kacianiom i napisaŭ «Ratujcie ich». Viadomy sienatar-respublikaniec Ted Kruz apublikavaŭ miem z katami, jakija abdymajucca, i podpisam «Kali łaska, hałasujcie za Trampa, i tady haicianskija imihranty nas nie źjaduć», zabiaśpiečyŭšy karcinku ŭśmiešlivymi smajlikami.
Tramp uchapiŭsia za hetuju teoryju zmovy i vyrašyŭ vykarystać jaje na debatach. Adnak paćvierdžanych vypadkaŭ źniknieńnia chatnich žyvioł u Sprynhfiłdzie niama.
Jašče ŭ aŭtorak mer horada Robiert Ru raskazaŭ, što nivodnaha paviedamleńnia pra toje, što mihranty jaduć chatnich žyvioł, nie pastupała. A adzinaje videa z padobnym epizodam, jakoje taksama raspaŭsiudžvali pravyja błohiery, było źniataje ŭ inšym horadzie ŭ Ahajo — tam za žorstkaje abychodžańnie z žyviołami zatrymali žančynu, u jakoj niama nijakich suviaziaŭ z Haici.
Abvierhli infarmacyju Trampa ŭ palicyi Sprynhfiłda: tam zajavili, što «nie było nijakich dastaviernych paviedamleńniaŭ abo kankretnych zajaŭ pra toje, što chatnija žyvioły padviarhalisia hvałtu, traŭmam abo žorstkamu abychodžańniu z boku asob ź liku imihrantaŭ».
U Sprynhfiłdzie z nasielnictvam amal 58 tysiač čałaviek apošnim časam sapraŭdy nazirajecca prytok mihrantaŭ z Haici. Usiaho ŭ akruzie Kłark znachodziacca kala 12-15 tysiač mihrantaŭ, 10 tysiač ź ich z Haici. Pry hetym pradstaŭnik haradskoj administracyi zapeŭnivaje, što mihranty nie parušajuć zakony. Pavodle jahonych słoŭ, jany navat nie śmieciać, nie kažučy ŭžo pra bolš ciažkija złačynstvy.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI2
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
...
-Jak daŭno mihranty, padmurak, chto zbudavali ZŠA, pieratvarylisia na prablemu?
-Jak pačali dersacyjal płacić. Der sacyjal pieratvaraje ŭsich i kožnaha atrymalnika na prablemu. Da taho ž ŭ instytucyjnych ašukanska-złodziejskich durybarach, jakija za dva stahodzmdzi psujucca ŭva ŭsio horšy ehalitaryzm (inuluzyju), karystajucca čałaviekahałovami mihrantaŭ, kab nakrucić sabie pointy.
...
-Čaho spadar Tramp Rudy viščyć, jak jeści katy i sabaki absalutna niezłačynna?
-Tak jak i daśledavać kasmetyki i leki. Złačynna adno jeści ci daśledavać ČUŽYJA katy i sabaki. Ale panaprymali supraćpraŭnych zahonaŭ, jakija abmiažoŭvajuć prava čałavieka na daśledavańnie i prystasavańnie asiarodździa, naprykład, ŭ vyhladzie katoŭ. Što da spadara Trampa Rudoha, dyk jon ašukaniec i sacyjalist. Jak i ŭsie palityki, jak jahonyja apanenty z trackiskaje partyi zša. Nia varta ich słuchać (ŭ sensie vieryć), a horaj taho pa vybarach švendacca.