Šon Bin, Uma Turman, Pirs Brosnan, — pastaraniciesia. U filmie «Piersi Džeksan i vykradalnik małanak» Halivud rychtuje novych bažkoŭ.
Piersi Džeksan i vykradalnik małanak (Percy Jackson & the Olympians: The Lightning Thief)
ZŠA — Kanada, 2010, kalarovy, 120 chv.
Režysior: Krys Kałambus
Roli vykonvajuć: Łohan Lerman, Brendan T.Džeksan, Alaksandra Dadaryjo, Šon Bin, Pirs Brosnan, Uma Turman, Styŭ Kuhan, Razaryja Doŭsan, Džejk Ejbieł,Kievin MakKid
Žanr: Padletkavyja pryhody pavodle ramanu Ryka Ryordana
Adznaka: 4,5 (z 10)
Piersi Džeksan — zvyčajny amierykanski padletak — i pazašlubny syn boha Pasiejdona. Alimpijskija kalehi baćki abvinavačvajuć chłopca ŭ vykradańni małanak i pahražajuć źniščyć śviet, kali pakraža nie budzie viernutaja. U kampanii z dačkoju Afiny i hareźlivym siabram-satyram, padletak adpraŭlajecca ŭ pryhody pa Złučanym Štatam, kab sustrecca ź Mieduzaj Harhonaj, Lerniejskaju hidraj i złobnym Aidam-pankušaju.
Karcina Krysa Kałambusa — daviednik pa hreckim mifam, prystasavany dla pačatkovych kłasaŭ amierykanskaj škoły. «Dzietki — heta furyja. U kientaŭra — konski azadak, u satyra — kaźlinyja nohi. A Lerniejskaja hidra — vialikaja biaka.» Furyja pry hetym — nastaŭnica anhielskaj litaratury, kientaŭr — Pirs Brosnan u invalidnaj kalascy, a satyr — afraamierykaniec. Uma Turman demanstruje źmiainyja «harhonaŭskija» vałasy, Łohan Lerman lotaje ŭ kryłatych kiedach, školnaja asadka pieraŭtvarajecca ŭ mieč.
I ŭžo nie ździŭlaje, što Alimp mieścicca na amierykanskim chmaračosie, a ŭvachod u Aid — pad Halivudam.
Ale hałoŭnaja meta filmu — zusim nie dydaktyčnaja. Stužka — dziciačy sadok dla novych halivudskich bahoŭ: Łohana Lermana, Alaksandry Dadaryjo, Džejka Ejbieła. Jany pakul šychtujucca ŭ letnim łahiery i hrajuć u rolevyja hieraičnyja hulni. Šon Bin, Uma Turman, Pirs Brosnan, — pastaraniciesia.
Padstupny Halivud užo rychtuje vam źmienu.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty20
Kamientary