Bałkuniec pierakonvaje, što praz pamiłavańnie vychodziać ludzi vyklučna ź jaho humanitarnaha śpisu
Na jaho dumku, adkaznaść za toje, što palitviaźni znachodziacca ŭ turmach, lažyć taksama i na Śviatłanie Cichanoŭskaj.
Palityk Dźmitryj Bałkuniec zapeŭnivaje, što vyzvaleńnie palitviaźniaŭ ź biełaruskich kałonij adbyvajecca pa jaho «humanitarnym śpisie».
Pa jaho słovach, u hetym dakumiencie pieraličanyja 400 čałaviek. U padobnyja śpisy pieradusim uklučajucca z prablemami pa zdaroŭjem, ale zvyčajna ŭ jaho ŭklučajucca i šmatdzietnyja baćki, i samyja pažyłyja ludzi, i niepaŭnaletnija.
Kankretnyja imiony ŭ publičnym dostupie nie źjaŭlalisia, ale, pa słovach Bałkunca, z hetaha śpisu amnistavanyja ŭžo «jak minimum 80 čałaviek».
Bałkuniec źmiešvaje paniaćci «amnistyja» i «pamiłavańnie», ale, najchutčej, havorka ŭ jaho dopisie idzie mienavita pra pamiłavańnie, bo amnistyja ni dla kaho z palitviaźniaŭ nie prymianiałasia.
Raźbiaromsia z matematykaj. U lipieni 2024 hoda pravaabaroncam stali viadomyja imiony 19 pamiłavanych, u žniŭni i vieraśni Alaksandr Łukašenka dvojčy padpisvaŭ ukazy ab vyzvaleńni 30 čałaviek. Takim čynam, ahułam havorka idzie pra 79 čałaviek, ale ŭdakładnim, što pravaabaroncy dahetul nie viedajuć imiony minimum pałovy ludziej, pamiłavanych u vieraśni. Pryčym pryncyp vyzvaleńnia ŭsio jašče niezrazumieły — u śpisie vyzvalenych chapaje i tych, chto nie traplaŭ ni pad jakija vidavočnyja humanitarnyja kryteryi.
Adnak kali vieryć słovam Bałkunca, to atrymlivajecca, što absalutna ŭsie pamiłavanyja — i navat bolš — uvachodzili ŭ jaho humanitarny śpis.
Zaadno palityk tradycyjna vykazaŭ pretenzii Śviatłanie Cichanoŭskaj — za toje, što pradstaŭniki jaje Ofisa nie stali składać humanitarny śpis razam ź ludźmi Bałkunca.
«Nichto z Ofisa Cichanoŭskaj nie raspačaŭ dziejsnych krokaŭ, kab vyzvalić chacia b adnaho palityčnaha źniavolenaha. Fotasiesii, bankiety, furšety, saŭny, badziažnictva, klenčańnie i raśpiłoŭvańnie hrantaŭ — voś čym jany zajmalisia na praciahu hetych hadoŭ. Za toje, što niekalki tysiač čałaviek znachodziacca bolš za čatyry hady ŭ turmach, adkaznaść lažyć taksama na Śviatłanie Cichanoŭskaj i jaje butafornych ofisnych kabinietach — za prafanacyju, sabataž i biaździejnaść».
Bałkuniec i jaho inicyjatyva «Ultymatum» dziela vyzvaleńnia palitviaźniaŭ pravodzić papieradžalnyja akcyi z dekaratyŭnym «pierakryćciom» biełaruska-polskaj miažy. Taksama byli sabranyja podpisy bolš za 50 nobieleŭskich łaŭreataŭ.
Raspuściłasia kamanda rasijskaha kanała Brief z 560 tysiačami padpisčykaŭ. Padziei ŭ Biełarusi tam aśviatlali vačyma Bałkunca
Bałkuniec pryčepić siabie kajdankami da čyhunki. Nu amal
Labiedźka patłumačyŭ, čamu ličyć Bałkunca papulistam i pravakataram
Bałkuniec i Usaŭ raskazali rasijskamu ŚMI pra absalutny pravał Cichanoŭskaj pa ŭsich frantach
«Dla jaho Łukašenka — biełaruski nacyjanalist». Čym viadomy rasijski palitołah Andrej Suzdalcaŭ
Što balić Vusavu, Paźniaku i Cichanoŭskaj?
Ciapier čytajuć
Pamiatajecie varjackuju honku ŭ Breście, padčas jakoj zahinuła troje? Na VIDEA z ekšn-kamiery matacyklista vidać, što jon razahnaŭsia da 186 km/h2
Kamientary