56 łaŭreataŭ Nobieleŭskaj premii zaklikali Łukašenku i AAN padtrymać praviadzieńnie ŭsieahulnaj palityčnaj amnistyi ŭ Biełarusi
«U Vas jość unikalnaja mahčymaść pieraviarnuć staronku minułaha i ŭvajści ŭ historyju nie tolki jak bieskampramisny kiraŭnik, ale i jak palityčny lidar, jaki prajaviŭ mudraść i miłasernaść».
Łaŭreaty vitajuć amnistyju ciažkachvorych palitźniavolenych, jakuju abjaviŭ Alaksandr Łukašenka. Ciapier, pavodle źviestak pravaabarončaha centru «Viasna», viadoma pra minimum 18 biełarusaŭ, jakija vyjšli na volu. Zajavu apublikavaŭ na svaim sajcie palitołah Źmicier Bałkuniec.
«Vitajem pryniaćcie zakona ab amnistyi i pieršyja kroki pa vyzvaleńni ciažka chvorych źniavolenych u Biełarusi.
Zaklikajem Alaksandra Łukašenku prajavić humannaść i miłasernaść, vyzvaliŭšy ŭsich hramadzian, pryznanych pravaabaroncami palityčnymi źniavolenymi.
Niedapuščalna padviarhać ludziej vašaj krainy surovym vyprabavańniam i ciažkim umovam tolki za ich pierakanańni. Kožny čałaviek maje prava na svajo mierkavańnie i pavahu da svajoj asoby.
U Vas jość unikalnaja mahčymaść pieraviarnuć staronku minułaha i ŭvajści ŭ historyju nie tolki jak bieskampramisny kiraŭnik, ale i jak palityčny lidar, jaki prajaviŭ mudraść i miłasernaść, adkazny pierad svaim narodam i jaho budučyniaj.
Praviadzieńnie ŭsieabdymnaj palityčnaj amnistyi i viartańnie da mižnarodna pryznanych normaŭ prava i pryncypaŭ humannaści stanie značnym palityčnym aktam, jaki simvalizuje novy etap u historyi Biełarusi. My spadziajemsia, što naš zaklik, razam z hałasami inšych ludziej dobraj voli, budzie pačuty, i hety krok zakładzie asnovu dla pačatku pracesu nacyjanalnaha adzinstva i prymireńnia», — havorycca ŭ zvarocie.
Siarod tych, chto padpisaŭ list, — nobieleŭskaja łaŭreatka Śviatłana Aleksijevič.
Druhi biełaruski nobieleŭski łaŭreat — pravaabaronca Aleś Bialacki — asudžany da 10 hadoŭ kałonii va ŭmovach uzmocnienaha režymu.
Tracina pamiłavanych palitviaźniaŭ i tak pavinny byli vyjści na svabodu ciaham miesiaca
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Pravaabaroncy: Niekatoryja palitviaźni admovilisia vychodzić na volu 3 lipienia, nie pahadziŭšysia z umovami vyzvaleńnia
30 hadoŭ tamu Łukašenku abrali prezidentam
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»22
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
Ried. Obraŝienije podpisali 56 łaurieatov, a kto jeŝio chotia by nieskolko čiełoviek poimionno. Mnie, naprimier, nieintieriesno, podpisała Aleksijevič ili niet. Voobŝie nie intieriesno, čto ona diełajet. Puskaj k Šrajbmanu idiot na Lusterka, podiskutirujet.