Ranišniaja ataka na Ukrainu kaštavała Rasii amal 1,3 miljarda dalaraŭ
Masiravanaja pavietranaja ataka na Ukrainu, ździejśnienaja 26 žniŭnia, kaštavała Rasii kala 1,26 młrd dalaraŭ, padličyła ŭkrainskaje vydańnie «Jekonomična pravda».
Pavodle paviedamleńnia pres-słužby Pavietranych siłaŭ USU, usiaho ŭ noč na 26 žniŭnia radyjotechničnymi vojskami Pavietranych siłaŭ było vyjaŭlena i supravodžana 236 srodkaŭ pavietranaha napadu praciŭnika: 127 rakiet i 109 udarnych BPŁA.
Siarod ich byli 3 aerabalistyčnyja rakiety «Kinžał», 6 balistyčnych rakiet «Iskander-M», 77 kryłatych rakiet X-101, 28 kryłatych rakiet «Kalibr», 3 kryłatyja rakiety X-22; 10 kiravanych avijacyjnych rakiet X-59/X-69; 109 udarnych BPŁA Shahed-131/136.
Pavodle źviestak vydańnia, BPŁA Shahed-131/136 moža kaštavać ad 49 tys. dalaraŭ, kali kazać pra ŭłasnuju vytvorčaść RF, i da 290 tys. dalaraŭ, kali havorka idzie pra impart ź Irana. Za asnovu ŭziali siaredniuju canu, jakaja płanavałasia dla impartu ź Irana — 193 tys. dalaraŭ. Takim čynam, 109 udarnych BPŁA «Šachied» kaštavali RF kala 21,3 młn dalaraŭ.
Košt rakiety «Kinžał» składaje 10 młn dalaraŭ, ahulnaja suma vypuščanych rakiet — 30 młn dalaraŭ.
Košt rakiety X-22 aceńvajuć u 1 młn dalaraŭ, heta značyć ahulnaja suma za vypuščanyja rakiety składaje 3 młn dalaraŭ.
Rakieta X-101 kaštuje 13 młn dalaraŭ za adzinku, tamu ahulnaja suma vypuščanych rakiet hetaha typu składaje 1 młrd dalaraŭ.
Pavodle infarmacyi vydańnia Defence Express, košt adnoj rakiety «Kalibr» kaštuje 6,5 młn dalaraŭ, takim čynam ahulnaja suma vydatkaŭ na hetuju rakietu składała 182 młn dalaraŭ.
Rakiety X-59/X-69 kaštujuć pa 0,5 młn dalaraŭ za adzinku, takim čynam ahulnaja suma vypuščanych rakiet hetaha typu składaje 5 młn dalaraŭ.
Balistyčnaja rakieta «Iskander-M» moža kaštavać 3 młn dalaraŭ, to-bok ahulny košt usich vypuščanych rakiet hetaha typu — 18 młn dalaraŭ.
Takim čynam, ahulnaja suma, jakuju Rasija vydatkavała na ranišniuju ataku 26 žniŭnia pa Ukrainie, składaje 1,26 młrd dalaraŭ, robić vysnovu «Jekonomična pravda».
Ukraincy padčas apošniaj ataki źbili 102 rakiety i 99 udarnych bieśpiłotnikaŭ. Dva bieśpiłotniki palacieli ŭ Biełaruś
Rakiety i bieśpiłotniki padčas rasijskaj ataki na Ukrainu ranicaj byli naceleny na Kijeŭskuju HES
Unačy kala troch šachiedaŭ mahli zalacieć u Biełaruś — Biełaruski Hajun
U vyniku masiravanaj ataki Rasii paciarpieli 15 abłaściej Ukrainy: jość paranienyja i zahinułyja
Rasijanie nanosiać mahutnyja ŭdary pa ŭkrainskaj enierhietycy
Pa ŭsioj Ukrainie abvieščanaja pavietranaja tryvoha: bolš za dziasiatak Tu-95MS vyjšli na puskavyja rubiažy
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach52
Kamientary