Prakuratura Hiermanii pravodzić rasśledavańnie pa Ryka Kryhieru — praviarajuć jaho dačynieńnie da vybuchu
U Biełarusi Kryhiera prysudzili da śmiarotnaha pakarańnia za nibyta dyviersiju na stancyi Aziaryšča pad Minskam. Zatym mužčynu vydali Hiermanii ŭ ramkach abmienu.
Fiederalnaja prakuratura Hiermanii pačała rasśledavańnie ŭ dačynieńni da Ryka Kryhiera.
Śledčyja praviarajuć jaho dačynieńnie da stvareńnia vybuchovaha prystasavańnia, a taksama da vybuchu, paviedamlaje Tagespiegel.
Pa danych niamieckich ŚMI, prakuratura padazraje Kryhiera ŭ tym, što jon padaŭ zajavu na ŭstupleńnie ŭ Połk Kalinoŭskaha. Pry hetym padčas śledstva ŭ Biełarusi jon kazaŭ, što supracoŭničaŭ z SBU — niamieckaja prakuratura praviaraje hetuju infarmacyju.
Abarona Kryhiera śćviardžaje, što jon chacieŭ pajści dobraachvotnikam, kab abaraniać Ukrainu, a nie ździajśniać terakty.
Pa niamieckim zakanadaŭstvie, kali hramadzianin Hiermanii ździajśniaje asabliva ciažkaje złačynstva za miažoj, prakuratura pavinna pravieści ŭłasnaje rasśledavańnie.
Kryhier byŭ prysudžany Minskim abłasnym sudom da śmiarotnaha pakarańnia za akt teraryzmu i pa jašče niekalkich artykułach. Paźniej jon byŭ pamiłavany Łukašenkam i viernuty na radzimu ŭ ramkach vialikaha abmienu źniavolenymi pamiž Rasijaj i Zachadam.
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu5
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
A spadaru Kruhieru tak i hedak ŭ niamieckiej viaźnicy lepiej, jak ŭ kruchmalnaj.
Našyja zyčeńni ičkeryjskim ŭdovam
U hetaj istoryi pakul što šmat čaho nieviadomaha i dziŭnaha, ale prynamsi 2 rečy vidavočnyja:
1.Kryhier - asoba ź mientalnymi adchileńniami i vielmi vyklikalnaja, i pravieści hetuju apieracyju całkam samastojna jon byŭ nia zdolny.
2.Asoba nibyta ukrainskaha pachodžańnia, jakaja padbuchtoryła Kryhiera - nievyśvietlena. Prykładna jak ŭ vypadku z "piečanskim terarystam" Malejčukom isnavaŭ niejki Jaŭhien, jaki padbuchtorył i spravakavaŭ Malejčuka zrabić niešta padobnaje na bombu, ale dziŭnym čynam zastaŭsia pa-za miežach raśledvańnia. Pra toje, chto davaŭ Kryhieru instrukcyi - taksama ničoha dakładna nie viadoma.
3.Vybuch byŭ zdiejśnieny mienavita takim čynam, kab stvaryć pierakanalnuju karcinku teraktu pierš za ŭsio dla niemieckaha boku, ale adnačasova nie nanieści istotnaj materyjalnaj škody. Miž tym nijakich abjektyŭnych dokazaŭ, što Kryhier maje datyčeńnie niepasredna da vybuchu - niama. Ale adnačasova sabrana šmat dokazaŭ taho, što Kryhier zahadzia naviedaŭ miesca budučaha "terakta".
Z ulikam sumnievaŭ u mientalnaj adekvatnaści Kryhiera vielmi vierahodna, što vybuch arhanizavali sami KDBšniki. Čamu abyjšlisia biez achviar i surjeznych razbureńniaŭ, jak u mienskim mietro ŭ 2011? Adkaz prosty - Kryhiera adrazu rychtavali da abmienu, ale nie byli ŭpeŭnieny na kont taho kali jon adbudziecca i ci adbudziecca ŭvohule. Tamu režym bolš za poŭhady paźbiahaŭ stvarać praźmiernuju cikavaść u biełaruskim hramadstvie da hetaj vielmi śmiardziučaj dla jaho spravy. Inakš čym rastłumačyć, što padazravanaha Kryhiera zatrymali amal što adrazu paśla vybuchu, ale navat sam fakt vybuchu zastavaŭsia aficyjna niepadćvierdžanym?