Pavodle spravazdačy A1 Group za pieršaje paŭhodździe 2024 hoda, bujny štraf byŭ nakładzieny ŭ červieni paśla kantrolnaj pravierki, praviedzienaj dziaržaŭnymi orhanami. Pryčyny pravaparušeńnia pakul zastajucca nieviadomymi, ale kampanija płanuje abskardzić hetaje rašeńnie, piša Onliner.by.
Z troch mahčymych apielacyjnych instancyj dźvie pakinuli štraf bieź źmienaŭ. U A1 ličać, što parušeńnie nie naniesła škody ni dziaržavie, ni klijentam, i spadziajucca, što hety fakt budzie ŭličany pry razhladzie spravy ŭ apošniaj instancyi, što moža pryvieści da źnižeńnia štrafu.
U A1 taksama adznačajuć, što praciahvajuć sutykacca ź ciažkaściami, vyklikanymi hieapalityčnaj situacyjaj i ŭmovami. Sankcyi ŭskładniajuć łancužok pastavak, a strohaja cenavaja palityka, uviedzienaja dla baraćby ź inflacyjaj, abmiažoŭvaje mahčymaści kampanii karektavać taryfy.
U mai MARH abvinavaciła A1 u parušeńni miechanizmu cenaŭtvareńnia, tak jak apieratar nie pradastaviŭ ekanamičnyja raźliki, jakija paćviardžajuć ustanoŭlenyja taryfy.
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju9
Kamientary