U pałacy Ahinskaha ŭ Zaleśsi adkryli vystavu, pryśviečanuju «podźviham» savieckich čekistaŭ FOTAFAKT
Šlachieckaja siadziba ŭ Zaleśsi Smarhonskaha rajona, jakuju ŭ pačatku XIX stahodździa zakłaŭ viadomy kampazitar i hramadski dziejač Michał Kleafas Ahinski, paśla kapitalnaj restaŭracyi adkryłasia dla naviedvalnikaŭ 10 hadoŭ tamu, u 2014-2015 hadach. Ale, jak vyhladaje, vykarystoŭvajecca jana nie tolki dla papularyzacyi staradaŭniaj historyi rehijona i ŭsioj Biełarusi.
Z fota, jakija źjavilisia ŭ sacsietkach, vynikaje, što ŭ pałacy Ahinskich u adpaviednaści z pavievami ciapierašniaha času ciapier zładzili ekspazicyju «U bajach za Ajčynu. Dziejnaść śpiechrup NKVD — NKHB SSSR — BSSR na akupavanaj terytoryi Biełarusi ŭ hady Vialikaj Ajčynnaj vajny 1941-1944 hh.»
Heta pierasoŭnaja vystava, jakaja ŭžo niekalki hadoŭ tamu stvoranaja Biełaruskim dziaržaŭnym muziejem historyi Vialikaj Ajčynnaj vajny. U hetym hodzie jaje voziać pa Biełarusi i demanstrujuć u tym liku ŭ muziejnych ustanovach, jakija pavodzie svajho profilu nijakaha dačynieńnia da vajny nie majuć. Naprykład, u mai jana vystaŭlałasia ŭ Domie-muziei Adama Mickieviča ŭ Navahrudku.
U Zelvie zładzili prapahandyscki konkurs da 80-hodździa vyzvaleńnia Biełarusi. Najbolšym kreatyvam ździvili słonimcy FOTAFAKT
«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki
U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?
«Kalektyŭny Zachad ciapier krepaść». Hihin davodzić, što «hłabalnaja bolšaść» adpraviła Zachad u izalacyju
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary
- Z karnikaŭ atrymlivajucca kiepskija žaŭniery.
I videa z harełymi rashvardejcami na irpienskim moście i spalenaj ŭkrainskaj TRA kałonaj rashvardyi kala Charkava heta dakazvajuć.
Nasupierak savieckaj mifałohii NKUSaŭcy ŭ Bieraściejskaj krepaści paśla napadu Hitlera zajmalisia rasstrełam palitźniavolenych, a nie jaje abaronaj.
Tamu i ad vystavy ŭ Zaleśsi praŭdy čakać nie davodzicca. Karniki nikoli hierojami nie stanoviacca - u lepšym vypadku asabistami albo kulamietčykami ŭ zahradatradach.