«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki
Prapahandyst Kirył Kazakoŭ, namieśnik hienieralnaha dyrektara ahienctva «Minsk-Naviny» i hałoŭny redaktar haziety «Minskij kuŕjer» prademanstravaŭ vysoki palemičny ŭzrovień, abmiarkoŭvajučy ŭ žyvym efiry viačerniaj prahramy ahienctva kanfiskacyju kvatery ŭ svajho byłoha kalehi Ivana Padreza.
Kazakoŭ pryznaŭsia, što kaliści z Padrezam jany byli navat pryjacielami i «abmiarkoŭvali tvorčyja płany». Choć, maŭlaŭ, jak čałaviek jon «łajno, poŭnaje łajno».
Prapahandyst nie chavaje zadavalnieńnia, što ŭ jahonaha byłoha kalehi kanfiskavali nieruchomaść, jakoj jon «tak mocna hanaryŭsia», i vykazvaje svaju radaść vielmi emacyjna:
«Vania Padrez, pačuj mianie. Ty — mudak. Tym, što ŭ ciabie zabrali kvateru, pavier ty mnie — biełaruskaja narmalnaja žurnalisckaja supolnaść hetym hanarycca».
Taki styl viadzieńnia zavočnaj dyskusii vyklikaŭ vialikaje zachapleńnie z boku jašče adnaho topavaha prapahandysta Ryhora Azaronka, jaki zapościŭ hety frahmient prahramy ŭ svaim kanale, napisaŭšy, što «Kiriłł Vładimirovič Kazakov žžiet».
Pra kanfiskacyju i razhrom siłavikami svajoj kvatery były viadučy ANT i błohier Ivan Padrez paviedamiŭ siońnia ŭ instahramie.
«U Biełarusi, dzie ŭ mianie była kvatera, ja ciapier «ekstremist». Kvatera, jakoj ja aficyjna vałodaŭ, ciapier kanfiskavanaja. Maju 78-hadovuju mamu vykinuli ź jaje. Jana praviała try tydni ŭ balnicach, a potym u siabroŭki. (…) Heta piekła. Heta pa-za ŭsiakaj marallu. Vykinuć 78-hadovuju žančynu z doma?» — napisaŭ Ivan.
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary