Hramadstva22

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?

Ludzi, jakija atrymlivali kryminałki pa «ekstremisckich» artykułach, bolš nie zmohuć pracavać navat paśla pahašeńnia sudzimaści.

U Niaśvižskim zamku. Fota ilustracyjnaje. Fota: Contributor Getty Images

Saviet ministraŭ zrabiŭ jašče bolš strohimi praviły atestacyi ekskursavodaŭ. Urad unios papraŭki ŭ pastanovu ab ekskursijnym absłuhoŭvańni.

Ludziam, jakija byli sudzimyja pavodle «ekstremisckich» artykułaŭ Kryminalnaha kodeksa, byŭ zakryty šlach u prafiesiju i raniej. Adnak zastavałasia ščylina — pastanova prama nie zabaraniała atestoŭvacca paśla pahašeńnia abo źniaćcia sudzimaści.

Novaja norma adrazaje i hety šlach — ciapier hramadzianam, asudžanym pa cełym šerahu artykułaŭ KK, nielha pracavać ekskursavodami navat paśla pahašeńnia abo źniaćcia sudzimaści. Akramia taho, nie dapuściać atestacyju i tych, čyja sprava pa hetych artykułach była spynienaja z-za zakančeńnia terminu daŭniny abo pa amnistyi.

Zrabili bolš žorstkimi praviły i dla tych, u kaho byli administratyŭki za reposty, raspaŭsiudžvańnie nacysckaj simvoliki abo ŭdzieł u mitynhach — jany zmohuć atestavacca tolki praź piać hadoŭ paśla pastanovy ab administracyjnym spahnańni.

Akramia taho, hidam nie buduć praciahvać licenziju, kali jany dapuścili hrubaje parušeńnie prafiesijnych etyčnych patrabavańniaŭ. Naprykład, kali jany

«admaŭlajucca farmiravać ujaŭleńnie pra Respubliku Biełaruś jak pra krainu, pryvabnuju dla turystaŭ, ekskursantaŭ, dapuskajuć pry praviadzieńni ekskursij subjektyŭnyja niekarektnyja acenki i vykazvańni pra Respubliku Biełaruś i inšyja dziaržavy». 

Taksama hid zmoža stracić akredytacyju, kali jon

«nie prymie mier pa niedapuščeńni pravakacyjnych abo niekarektnych vykazvańniaŭ z boku ekskursantaŭ».

Nahadajem, ułady zabaranili pracavać hidami hramadzianam, sudzimym za prapahandu vajny, reabilitacyju nacyzmu, masavyja biesparadki, raspaŭsiudžvańnie nacysckaj simvoliki, parušeńnie hramadskaha paradku, zmovy z metaj zachopu dziaržaŭnaj ułady, zakliki da sankcyj, paklop abo abrazu Łukašenki i pradstaŭnikoŭ ułady, dyskredytacyju Biełarusi, zakliki da niezakonnych mitynhaŭ i ździek nad dziaržsimvałami. 

Siarod administracyjnych artykułaŭ, pieraličanych u pastanovie, — raspaŭsiudžvańnie tvoraŭ, jakija prapahandujuć kult žorstkaści, prapahanda i raspaŭsiudžvańnie nacysckaj simvoliki, raspaŭsiudžvańnie ekstremisckich materyjałaŭ, raspaŭsiudžvańnie łžyvych źviestak pra Łukašenku i parušeńnie paradku arhanizacyi i ŭdziełu ŭ masavych mierapryjemstvach.

Lišnie kazać, što ŭ Biełarusi zakanadaŭstva traktujecca vielmi advolna, a pieraličanyja abvinavačańni z nastupnymi sudami i pakarańniami ŭ pieravažnaj bolšaści vypadkaŭ vystaŭlajucca za toje, što nijakaha dačynieńnia da hetaha nie maje. Pryčyna pieraśledu zvyčajna prosta ŭ tym, što pohlady čałavieka nie ŭpisvajucca ŭ praŭładnuju ideałahičnuju karcinu śvietu. 

Kamientary2

  • Vładimir
    12.07.2024
    S takimi triebovanijami jedinstviennym hidom v stranie ostanietsia tolko kočanova, dažie prostitutkoj biezopaśnieje rabotať
  • poniatno
    12.07.2024
    Nu da, v Biełarusi biełaruskoje, po žiełaniju putina i łukašienko, objavleno ekstriemistskim.
    Poetomu, lubomu biełarusu, kotoryj sčitajet siebia biełarusom, puť v ekskursovody zakryt apriori.
    Ekskursovodom, v Biełarusi, možiet byť tot, kto otricajet suŝiestvovanije biełaruskoj nacii, biełaruskoj nacionalnosti, biełaruskoho jazyka, biełaruskoj kultury, biełaruskich, nacionalnych simvołov i sčitajet, čto biełarus - tot žie rośsijanin s otmietinoj ot łukašienko, kto budiet rasskazyvať istoričieskije mify razrabotannyje Rośsijej i adaptirovannyje łukašienkom pod nuždy jeho vłasti.

Ciapier čytajuć

Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach18

ŚvietAbnoŭlena18

Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach

Usie naviny →
Usie naviny

U Maskvie siarod biełaha dnia na vačach palicyi kadyraŭcy vykrali čałavieka. Dzie jon ciapier, nichto nie viedaje3

U histaryčnym centry Hrodna razburyli jašče dva staryja damy1

20-hadovaja biełaruska pradała svajo niemaŭla ŭ Maskvie2

«Dadajem słabicielnaje ŭ ałkahol rasijskim sałdatam». Jak ukrainskija žančyny zmahajucca z akupantami2

Maładaja ŭkrainskaja akrabatka trahična zahinuła ŭ Tajłandzie, sarvaŭšysia z 15-mietrovaj vyšyni

Muzyčny teatr u Minsku źbirajucca zakryć na rekanstrukcyju ŭ 2026 hodzie

Spalnyja miescy ŭ «Minsk-Śviecie» mohuć vyklikać kłaŭstrafobiju. Jak ekanomiać prastoru ŭ sučasnych kvaterach-studyjach23

Iłan Mask nazvaŭ hałoŭny zakonaprajekt Trampa «ahidnaj hniusnaściu»3

Kamandujučym Siłami bieśpiłotnych sistem Ukrainy pryznačany «Madziar» — kultavy dobraachvotnik, jaki pryjšoŭ u armiju ŭ 2022-m6

bolš čytanych navin
bolš łajkanych navin

Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach18

ŚvietAbnoŭlena18

Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach

Hałoŭnaje
Usie naviny →

Zaŭvaha:

 

 

 

 

Zakryć Paviedamić