Premjer-ministr Vienhryi ŭčora pozna viečaram prybyŭ ź vizitam u Azierbajdžan dla ŭdziełu ŭ niefarmalnym samicie kiraŭnikoŭ dziaržaŭ Arhanizacyi ciurkskich dziaržaŭ (ACD), što projdzie ŭ Šušy (Nahorny Karabach).
U Fizulinskim mižnarodnym aeraporcie (znachodzicca na terytoryi, jakuju raniej kantralavała armija Nahornaha Karabacha), dzie łunali dziaržaŭnyja ściahi krain — členaŭ ACD, u honar vysokaha hościa była pašychtavana hanarovaja varta, paviedamlaje Aziertadž.
Viktar Orban u pačatku tydnia naviedaŭ Kijeŭ, jon nazvaŭ hety vizit pajezdkaj kiraŭnika krainy, jakaja staršyniuje ŭ ES, a ŭčora naviedaŭ Maskvu, skazaŭšy, što lacić tudy z peŭnaj misijaj.
Adnak top-čynoŭniki ES nazvali hety vizit Orbana vyklučna vizitam premjera Vienhryi bieź jakich-niebudź paŭnamoctvaŭ Jeŭrasajuza.
Taksama ŭ Azierbajdžan prylacieli prezidenty Kazachstana, Uźbiekistana i Kyrhyzstana.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary