Kijeŭ pryniaŭ da viedama prapanovu premjera Vienhryi Viktara Orbana ab spynieńni ahniu dziela vychadu na mirnyja pieramovy z Rasijaj, adnak nie ličyć hety płan žyćciazdolnym, zajaviŭ namieśnik kiraŭnika Ofisa prezidenta Ukrainy Ihar Žoŭkva ŭ efiry nacyjanalnaha telemarafona.
«Vienhryja — nie pieršaja kraina, jakaja havoryć pra padobny varyjant. Prezident Ukrainy vysłuchaŭ svajho surazmoŭcu, ale ŭ adkaz vykłaŭ svaju pazicyju, jakaja źjaŭlajecca vyraznaj, zrazumiełaj i viadomaj. Ukraina sapraŭdy choča miru, i ŭ nas jość dla hetaha instrumient — my praviali pieršy samit miru i rychtujemsia da druhoha», — skazaŭ jon.
Žoŭkva adznačyŭ, što kali ŭ Kramli pierastanuć havaryć na movie ultymatumaŭ i pakažuć hatoŭnaść da kanstruktyŭnaha dyjałohu, to Rasiju zaprosiać na nastupny samit miru. Na im Ukraina pradstavić płan urehulavańnia, uzhodnieny z krainami-partniorami.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary