U Polščy pačynaje pracavać uradavaja kamisija pa daśledavańni biełaruskaha i rasijskaha ŭpłyvu. Pra heta siońnia abviaściŭ premjer-ministr krainy Donald Tusk padčas pres-kanfierencyi, piša Reform.news
«Kamisija pačnie pracu ŭžo siońnia», — skazaŭ jon.
Tusk padkreśliŭ, što Kamisija budzie svabodnaja ad palityčnaha ŭpłyvu. Jaje zadačaj źjaŭlajecca dać dziaržaŭnym orhanam i hramadskaj dumcy acenku pahroz z boku Biełarusi i Rasii.
«Nam vielmi važna, i jak vy ŭbačycie, skład kamisii heta paćvierdzić, kab Kamisija była volnaja ad jakich-niebudź spakusaŭ i intencyj vuzkapalityčnych, partyjnych, kab jana pryniesła nam nadziejnyja viedy, nam — heta značyć dziaržaŭnym orhanam i hramadskaj dumcy, jak vyhladali ŭ minułym, jak siońnia vyhladajuć realnyja pahrozy z boku Rasii i Biełarusi. My ŭžo viedajem, što hetyja dźvie dziaržavy, ich śpiecsłužby, najbolš aktyŭnyja ŭ Polščy», — skazaŭ jon.
Praca kamisii achopić pieryjad z 2004 pa 2024 hady. Jaje pracu budzie zabiaśpiečvać Ministerstva justycyi. Kamisiju ŭznačaliŭ hienierał Jarasłaŭ Stružyk, kiraŭnik vajennaj kontrraźviedki. U skład kamisii tažie ŭvajšli roznyja ekśpierty, delehavanyja dziaržorhanami. Pa słovach Stružyka, pieršy spravazdaču jana pavinna pradstavić na praciahu 60 dzion z pačatku pracy.
Kamientary