Ułady ŭpieršyniu paćvierdzili, što źniščajuć vydańni, jakija abviaščajuć ekstremisckimi
1 červienia stała viadoma, jak žycharu Kobryna dali 10 sutak aryštu za «raspaŭsiudžvańnie ekstremizmu» — knihi Uładzimira Arłova «Ajčyna: malaŭničaja historyja. Ad Rahniedy da Kaściuški», jakaja stajała ŭ jaho doma ŭ šafie. Siarhiej Navumčyk źviarnuŭ uvahu — dziaržava ŭpieršyniu aficyjna paćvierdziła, što źniščaje takija knihi.
U banku sudovych rašeńniaŭ, ź jakoha i staŭ viadomy hety fakt, utrymlivajecca taksama takaja infarmacyja: «Taksama sud pryznaje biespadstaŭnymi dovady A. pra toje tym, što kniha <…> nie zjaŭlajecca ekstremisckaj infarmacyjnaj pradukcyjaj, pakolki rašeńniem suda Centralnaha rajona h. Minska ad 18 kastryčnika 2022 hoda jana nie ŭklučana ŭ respublikanski śpis ekstremisckich materyjałaŭ, a ŭklučana druhoje jaje vydańnie, jakoje moža nie adpaviadać pieršamu vydańniu, kanfiskavanamu ŭ jaho pa miescy žycharstva.
Hety dovad abviarhajecca źviestkami vydaviectva NPK T., pakolki na vykanańnie rašeńnia suda Centralnaha rajona h. Minska ad 18 kastryčnika 2022 hoda było źniščana jak druhoje, tak i pieršaje jaje vydańnie».
«Takim čynam, upieršyniu ŭ najnoŭšaj historyi Biełarusi aficyjna (sud zajaviŭ — kudy ŭžo bolš aficyjna) pryznana, što režym źniščaje biełaruskija knihi. Niejkim asablivym sakretam heta nie było: źviestki pra źniščeńnie knih dachodzili to z adnoj, to z druhoj, to z treciaj vobłaści krainy. Infarmacyi chapała, kab zrazumieć: źniščeńnie maje masavy charaktar», — zaŭvažyŭ Navumčyk.
Jon dadaje, što raniej voś hetak, naŭprost aficyjna, heta nie pryznavałasia — «mahčyma, nie žadali anałohii z praktykaj Hiebielsa, z časami nacysckaj Niamieččyny, kali spalvali niaŭhodnyja knihi — u tym liku Brechta, Hašeka, Horkaha, Ilfa i Piatrova, Džeka Łondana, Tomasa Mana, Remarka, Fiejchtvanhiera, Cheminhueja, Ćviejha, Erenburha».
Navumčyk taksama nahadvaje Hienrycha Hiejne, słovy jakoha vysiečanyja na bierlinskaj płoščy Babielpłac, dzie ŭ 1933 palili knihi: «Tam, dzie spalvajuć knihi, paźniej spalvajuć i ludziej».
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra24
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary