Usaŭ: Biełarusy nie hałasavali za toje, kab Cichanoŭskaja jeździła pa śviecie i sustrakałasia nieviadoma z kim
Pavieł Usaŭ paspračaŭsia z Anatolem Labiedźkam nakont lehitymnaści Śviatłany Cichanoŭskaj.
U debatach na Jeŭraradyjo sustrelisia palityk Pavieł Usaŭ i daradca Śviatłany Cichanoŭskaj pa parłamienckim supracoŭnictvie i kanstytucyjnaj reformie Anatol Labiedźka.
Labiedźka abvinavaciŭ Usava ŭ tym, što jon asprečvaje lehitymnaść Śviatłany Cichanoŭskaj — i takim čynam znachodzicca na adnym baku z Łukašenkam i Pucinym.
Na heta Usaŭ adkazaŭ:
«Niama absalutnaj dakazalnaj bazy, tym bolš instytucyjanalnaj — bo lehitymnaść jość roznaja, — jakaja b paćvierdžała lehitymnaść Cichanoŭskaj. Tym bolš biełarusy nie hałasavali za toje, kab Cichanoŭskaja dzieści jeździła i pradstaŭlała biełarusaŭ za miažoj».
Na pohlad Usava,
biełarusy «hałasavali za toje, kab nie było Łukašenki, kab byli praviedzieny novyja vybary, a nie za toje, što Śviatłana Cichanoŭskaja budzie jeździć čatyry hady pa zachodnich krainach i sustrakacca nieviadoma z kim i nieviadoma pra što».
Palityk dadaŭ: «kali zychodzić z vašaj łohiki, to lubaja krytyka, navat hruntoŭnaja, abjektyŭnaja krytyka taho, što adbyvajecca ŭ demakratyčnaj supolnaści, u Ofisie, heta aznačaje aŭtamatyčna, što my staim na baku Łukašenki ci Pucina. Heta absurd».
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary
Pa jakim "parłamienckim supracoŭnictvie"? U Labiedźki ŭžo parłamient niejki źjaviŭsia?