Vynieśli prysud žycharu Pinska za namier dałučycca da pałka Kalinoŭskaha
Brescki abłasny sud 21 traŭnia vynies prysud 32—hadovamu žycharu Pinska Arturu Radzivanoviču. Jon byŭ abvinavačany pavodle č. 1 art. 13 i č. 1 art. 361-3 («udzieł na terytoryi zamiežnaj dziaržavy va ŭzbrojenym farmavańni abo ŭzbrojenym kanflikcie, vajennych dziejańniaŭ, viarboŭka albo padrychtoŭka asob da takoha ŭdziełu»), daviedałasia «Viasna».
Śledstva ŭstanaviła, što Artur Radzivanovič
«praź miesiendžar telehram pa svajoj inicyjatyvie ŭstupiŭ u pierapisku z pradstaŭnikami ŭzbrojenaha farmavańnia «Połk imia K. Kalinoŭskaha». U znosinach małady čałaviek vyśviatlaŭ paradak i ŭmovy zaličeńnia ŭ połk, a zatym spłanavaŭ pierasiačeńnie dziaržaŭnaj miažy Respubliki Biełaruś z Respublikaj Polšča i dalejšy maršrut va Ukrainu. Dalej, pa prybyćci 30 śniežnia 2023 hoda ŭ mižnarodny punkt propusku «Brest» dla ruchu va Ukrainu praz terytoryju Polščy abvinavačany byŭ zatrymany supracoŭnikami orhanaŭ unutranych spraŭ».
Sud pastanaviŭ na padstavie č. 1 art. 13 i č. 1 art. 361-3 Kryminalnaha kodeksa pryznačyć Radzivanoviču pakarańnie ŭ vyhladzie pazbaŭleńnia voli na termin dva hady i šeść miesiacaŭ z adbyvańniem u papraŭčaj kałonii va ŭmovach ahulnaha režymu sa štrafam u pamiery 500 bazavych vieličyń.
Spravu razhladaŭ sudździa Dźmitryj Kuroŭski.
U Mahilovie byłoha palitviaźnia aryštavali znoŭ — za «paklop» na Łukašenku
Palitviaźnia ź Lidy asudzili za «abrazy» čynoŭnikaŭ i «ŭdzieł u ekstremisckim farmavańni» i dali hihancki štraf
Znoŭ sudziać palitviaźnia, asudžanaha na 6 hadoŭ. A milicyjant, praź jakoha pasadzili Cichanoŭskaha, choča spahnać ź jaho «maralnuju škodu»
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia26
Kamientary