U Mahilovie byłoha palitviaźnia aryštavali znoŭ — za «paklop» na Łukašenku
U sudzie Leninskaha rajona Mahilova 31 maja pačniecca sudovy praces u dačynieńni da Paŭła Biełahołava. Jaho abvinavačvajuć u «paklopie na Alaksandra Łukašenku» (č. 2 art. 367 KK RB). Sud budzie vieści sudździa Taćciana Rachmanienka, jakaja nieadnarazova vynosiła palityčna matyvavanyja prysudy, piša Mayday.team.
Pavieł Biełahołaŭ — były palitviazień. U žniŭni 2022 hoda sud Drybinskaha rajona pryhavaryŭ mužčynu da 2 hadoŭ i 6 miesiacaŭ pazbaŭleńnia voli za «abrazu pradstaŭnika ŭłady» (art. 369 KK RB), a taksama za «raspalvańnie sacyjalnaj varožaści» (art. 130 KK RB).
Jaho pryznali vinavatym u tym, što jon u 2020 hodzie pakinuŭ niepachvalny kamientar «UKantakcie» ŭ dačynieńni da siłavika, a taksama ŭ tym, što ŭ 2021 hodzie jon niehatyŭna vykazaŭsia ŭ adras zastrelenaha supracoŭnika KDB Dźmitryja Fiedasiuka (tak zvanaja «sprava Zielcera»).
Vyzvaliŭsia Biełahołaŭ u kastryčniku 2023 hoda. Pakarańnie jon adbyvaŭ u PK-1 Navapołacka.
U lutym 2024 h. nad im adbyŭsia sud pa administracyjnaj spravie. Tady sudździa suda Leninskaha rajona Natalla Panasienka pryznała jaho nievinavatym u «raspaŭsiudžańni ekstremisckich materyjałaŭ» (art. 19.11 KaAP RB).
Ciapier čytajuć
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj35
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary