Chalezin zajaviŭ pra hatoŭnaść vyjści z Kaardynacyjnaj rady paśla vybaraŭ
«U mianie jość vybar. Tak heta pracuje va ŭsim śviecie».
Režysior Mikałaj Chalezin idzie na vybary ŭ Kaardynacyjnuju radu ad błoku «Jeŭrapiejski vybar».
Padčas svajho intervju jutub-kanału «Obyčnoje utro» jon raskazaŭ, što budzie rabić paśla svajho abrańnia ŭ skład Rady:
«U mianie jość vybar — pahavaryć z tymi, z kim razam prajšoŭ, i vyrašyć. Moža, budzie lepiej, kali projdzie nastupny čałaviek [sa śpisu] paśla mianie. Ja zastanusia ŭ ranhu pamočnika, daradcy, kaho zaŭhodna ŭ hetaj hrupie.
Heta tvoj vybar — jak ty płanuješ dalej. Tamu što kali ja nie mahu ŭdzialać maksimum svajoj uvahi hetamu, to chiba što varta sastupić tym, chto moža».
Na ŭdakładniajučaje pytańnie, što tady mohuć skazać ludzi, jakija za jaho hałasavali, kali Chalezin sastupić svajo miesca inšamu, režysior adkazaŭ:
«Nieabchodna razumieć, što heta tak pracuje va ŭsim śviecie. Kali vy mnie daviarajecie, to ja pastupaju tak, jak liču nieabchodnym».
U zahinułaj u Ślapiancy dziaŭčynie apaznali Janu Kastrankovu2
Kamientary