Sudździa Šmit pryjšoŭ z prapahandystami i ludźmi ŭ cyvilnym u polskuju ambasadu i pieraśledavaŭ dypłamata
Jon śćviardžaje, što chacieŭ pieradać jamu pakiet dakumientaŭ.
Sudździa Tomaš Šmit u atačeńni rabotnikaŭ biełaruskich dziaržaŭnych ŚMI i nieviadomych ludziej u cyvilnym pryjšoŭ da ambasady Polščy ŭ Minsku.
Uvajšoŭšy ŭ budynak, jon pieraśledavaŭ polskaha dyppradstaŭnika. Šmit zajaviŭ, što choča pieradać jamu skarhi ŭ adras Hienprakuratury Polščy i ŭpaŭnavažanamu pa pravach čałavieka. Šmit ličyć, što polskija ŭłady parušajuć jaho pravy pry rasśledavańni spravy ab špijanažy.
Dypłamat nie staŭ razmaŭlać z byłym sudździoj u prysutnaści prapahandystaŭ i źjechaŭ na lifcie, prapanavaŭšy Šmitu pieradać dakumienty pa pošcie. Biełaruskija dziaržSMI aśviatlali hetaje mierapryjemstva, nazyvajučy Šmita «polskim dysidentam».
Sa słoŭ pres-sakratara MZS Polščy Paŭła Vrońskaha, Šmit sprabavaŭ pieraśledavać dypłamata, ale toj nie adreahavaŭ na pravakacyi. Vroński zaŭvažyŭ, što, akramia prapahandystaŭ, Šmita supravadžali padazronyja ludzi ŭ cyvilnym. U MZS prapanavali Šmitu pryjechać u Polšču i pieradać dakumienty asabista, paviedamlaje TVP.
Polski sud raniej zavočna aryštavaŭ Šmita pa padazreńni ŭ pracy na zamiežnyja raźviedki. Pa hetym artykule jamu pahražaje pažyćciovaje źniavoleńnie.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć50
Kamientary