Skandał u tureckim futbole: «Fienierbachče» sarvaŭ Supierkubak, pakinuŭšy pole praz 50 siekund paśla pačatku hulni
Pieramohu prysudzili «Hałatasaraju».
Matč za Supierkubak Turcyi pamiž stambulskimi «Hałatasarajem» i «Fienierbachče» zaviaršyŭsia praz 50 siekund paśla startavaha śvistka. Paśla hoła napadnika «Hałatasaraja» Maŭra Ikardzi futbalisty «Fienierbachče» pa kamandzie treniera arhanizavana pakinuli pole.
Pra toje, što «žoŭtyja kanarejki» źbirajucca sarvać matč za Supierkubak, stała viadoma zahadzia. Kłub źbiraŭsia naohuł nie vychodzić na hulniu ŭ znak pratestu suprać pryznačeńnia na finał tureckaha, a nie zamiežnaha arbitra. Kamanda na poli ŭsio ž źjaviłasia, ale trenier «Fienierbachče» vystaviŭ na matč futbalistaŭ 2005-2006 hadoŭ naradžeńnia ź junijorskaj kamandy.
Paśla demaršu kłub atrymaŭ techničnuju parazu, «Hałatasaraj» staŭ uładalnikam Supierkubka Turcyi.
U «Fienierbachče» surjozny kanflikt z tureckaj fiederacyjaj futboła. Jon abvastryŭsia ŭ sakaviku, kali na futbalistaŭ paśla matču čempijanatu Turcyi napali fanaty «Trabzanspora». Bosy «Fienierbachče» ličać, što fiederacyja i ŭłady apošnija 20 hadoŭ pryncypova nie zabiaśpiečvajuć biaśpieku hulcoŭ kamandy, a sudździ staviacca da kamandy praduziata. U kłubie navat zajavili ab žadańni vyjści z tureckaj Supierlihi.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary