Siryjskija i iranskija ŚMI paviedamlajuć, što izrailski avijaŭdar u paniadziełak razburyŭ konsulstva Irana ŭ Damasku, u vyniku čaho zahinuła niekalki čałaviek. Siarod zahinułych nibyta jość i kamandujučy Korpusam vartavych Isłamskaj revalucyi Irana ŭ Siryi i Livanie, paviedamlaje «Ukrainskaja praŭda».
Livanskaja krynica ŭ orhanach biaśpieki ŭ razmovie z ahienctvam Reuters paviedamiła, što adnym z zahinułych byŭ Machamad Reza Zachiedzi, staršy kamandzir iranskaha Korpusa vartavych Isłamskaj revalucyi. Iranskaje dziaržaŭnaje telebačańnie paviedamiła taksama, što zahinuła niekalki iranskich dypłamataŭ.
Reparciory Reuters na miescy zdareńnia ŭ rajonie Mieźziech siryjskaj stalicy bačyli dym nad abłomkami zraŭnavanaha ź ziamloj budynka, a pobač byli pryparkavanyja mašyny chutkaj dapamohi. Pierad abłomkami visieŭ iranski ściah na słupie. Na miescy zdareńnia byli zaŭvažanyja ministry zamiežnych spraŭ Siryi i Irana.
Izrail, jaki nieadnarazova nanosiŭ udary pa iranskich celach na praciahu šaścimiesiačnaj vajny ŭ Hazie, admoviŭsia kamientavać hety incydent. «My nie kamientujem paviedamleńni ŭ zamiežnych ŚMI», — zajaviŭ izrailski vajskovy pradstaŭnik.
Pavodle źviestak AFP, udar trapiŭ u prybudovu da ambasady Irana ŭ stalicy Siryi, u vyniku čaho zahinuli 6 čałaviek. Karespandenty ahienctva na miescy zdareńnia paćvierdzili, što ŭ prestyžnym rajonie Damaska była zraŭnavanaja ź ziamloj prybudova da ambasady Irana. Iranskija ŚMI taksama paviedamili, što ambasadar nie paciarpieŭ.
Izrailskaja palicyja zatrymała siastru lidara CHAMAS. Pry pieratrusie znajšli kiłahram zołata i sotni tysiač šekielaŭ
Arabski śviet nie choča dapamahać ahienctvu AAN, čyje supracoŭniki zabivali i vykradali izrailcian
Pavietrany ŭdar pa Siryi: kala Alepa zahinuli kala 40 čałaviek. Damask abvinavačvaje Izrail
Ciapier čytajuć
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka3
Kamientary