Śviatłana Cichanoŭskaja siońnia sustrełasia ŭ Bruseli sa śpikieram parłamienta Armienii Alenam Simanianam. Siarod inšaha było padniata pytańnie biełarusa Jarasłava Novikava, jaki zatrymany ŭ Armienii na zapyt łukašenkaŭskich siłavikoŭ.
Sustreča adbyłasia ŭ Jeŭraparłamiencie padčas kanhresu Jeŭranestu, na jakim vystupiła Śviatłana Cichanoŭskaja. Akramia Armienii, udzieł u kanhresie brali deputaty Azierbajdžana, Hruzii, Ukrainy i Małdovy.
Cichanoŭskaja padčas sustrečy z Alenam Simanianam vykazała spadziavańnie na bolš ščylnuju supracu z armianskimi parłamientaryjami, vykazała im słovy salidarnaści. Taksama jana padziakavała za rašeńnie premjera Nikoła Pašyniana nie pryjazdžać na samit ADKB u Minsk.
Hałoŭnaje ž — z armianskaj delehacyjaj padymałasia pytańnie biełarusa Jarasłava Novikava, zatrymanaha na zapyt siłavikoŭ Biełarusi. Pradstaŭniki Armienii paviedamili Śviatłanie Cichanoŭskaj, što chłopiec atrymaje ŭ ich krainie palityčny prytułak.
Čytajcie taksama:
Biełarus, jakoha aryštavali ŭ Armienii praz vyšuk na radzimie, pieradaŭ list z turmy
U Armienii z pačatku hoda zatrymali na zapyt prakuratury Biełarusi čatyroch biełarusaŭ
Sud u Armienii aryštavaŭ na 40 dzion biełarusa dla jaho dalejšaj pieradačy na radzimu
U Armienii zatrymali ŭchilista ad vojska ź Biełarusi. Jaho mohuć vysłać na radzimu
Kamientary