U Armienii z pačatku hoda zatrymali na zapyt prakuratury Biełarusi čatyroch biełarusaŭ
U Armienii z pačatku hoda zatrymali čatyroch hramadzian Biełarusi, jakich Biełaruś abviaściła ŭ miždziaržaŭny vyšuk u SND. Usie jany znachodziacca ŭ izalatary horada Vanadzor, paviedamiŭ «Radyjo Svaboda» juryst Chielsinkskaj asacyjacyi Armienii Araik Papikjan.
«Z pačatku hoda čatyry zatrymańni. Heta, mnie padajecca, vielmi šmat, uličvajučy, što za ŭvieś 2023 hod byŭ tolki adzin vypadak, i toj byŭ nie pavodle artykuła ab uchileńni ad słužby ŭ vojsku», — skazaŭ Papikjan.
Araik Papikjan pradstaŭlaje intaresy hramadzianina Biełarusi Jarasłava Novikava, jakoha zatrymali na miažy Armienii sioleta 2 lutaha na zapyt Biełarusi pavodle abvinavačańnia va ŭchileńni ad słužby ŭ vojsku.
«Ja viedaju detali nie pra ŭsie vypadki. Dvuch chłopcaŭ zatrymali 2-3 dni tamu. Jašče adnaho zatrymali i aryštavali adrazu paśla Jarasłava. Usie jany znachodziacca ŭ tym ža izalatary, što i Jarasłaŭ», — dadaŭ juryst.
Jon viedaje tolki, što nie ŭsich čatyroch abvinavačvajuć va ŭchileńni ad słužby ŭ vojsku.
Jahony padabaronny Jarasłaŭ Novikaŭ z 5 lutaha znachodzicca ŭ izalatary horada Vanadzor.
«Siońnia ja sustreŭsia ź Jarasłavam, i my płanavali našyja dalejšyja dziejańni — pa apielacyi i hutarcy z supracoŭnikami mihracyjnaj słužby. Svaju padtrymku Jarasłavu vykazała i biełaruskaja dyjaspara, jakaja znachodzicca ŭ Armienii. Jany taksama napišuć list padtrymki ŭ mihracyjnuju słužbu» — paviedamiŭ Araik Papikjan.
Ciapier advakat rychtuje apielacyju na druhoje rašeńnie suda ab praciahvańni terminu aryštu Jarasłava Novikava, uchvalenaje 7 sakavika. Pieršaje anałahičnaje rašeńnie ad 4 lutaha Apielacyjny sud Armienii pryznaŭ zakonnym.
Apielacyjny sud Armienii pryznaŭ zakonnym aryšt biełarusa, zatrymanaha na zapyt Biełarusi za ŭchileńnie ad słužby ŭ armii
Biełarus, aryštavany ŭ Armienii na zapyt łukašenkaŭskich siłavikoŭ, źviarnuŭsia pa palityčny prytułak
Sud u Armienii aryštavaŭ na 40 dzion biełarusa dla jaho dalejšaj pieradačy na radzimu
U Armienii zatrymali ŭchilista ad vojska ź Biełarusi. Jaho mohuć vysłać na radzimu
Ciapier čytajuć
«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton43
Kamientary