Na siońniašniaj pres-kanfierencyi pradstaŭnica Kabmina FRH Kryścijanie Chofman zajaviła, što «tak zvanyja vybary ŭ Rasiei» nie byli «ni svabodnymi, ni spraviadlivymi», piša BILD.
«Vynik byŭ zahadzia jasny. Heta byli niedemakratyčnyja vybary, — skazała jana. — Panavała atmaśfiera zapałochvańnia. <…> U Rasii niama svabody słova».
«Rasija, i kancler užo kazaŭ pra heta, ciapier zjaŭlajecca dyktaturaj i znachodzicca pad aŭtarytarnym praŭleńniem Uładzimira Pucina», — dadała Chofman.
Jana rezka asudziła praviadzieńnie hałasavańnia na akupavanych terytoryjach.
Na pytańnie ab tym, ci buduć ułady FRH nazyvać Pucina «prezidentam abo kiraŭnikom», pradstaŭnik MZS FRH Siebaśćian Fišer adkazaŭ, što apošnim časam viedamstva vykarystoŭvaje adno tolki proźvišča Pucin, bieź jakoha-niebudź aficyjnaha tytuła.
Kamientary