Śviet1616

CVK: Pucin pieramahaje na vybarach z rekordnymi 87,33%. A ŭ Čačni ŭ jaho naohuł 99%

Padličana 99,59% hałasoŭ. Vybary ŭ Rasii prachodzili praź miesiac paśla zabojstva ŭ kałonii hałoŭnaha rasijskaha apazicyjaniera Alaksieja Navalnaha.

uładzimir pucin vładimir putin
Uładzimir Pucin u svoj 71 hod zastupaje na novy prezidencki termin. Fota: Sergey Guneyev, Sputnik, Kremlin Pool Photo via AP, File

Pa aficyjnych danych, paśla padliku 99,52 pracenta pratakołaŭ Pucin nabraŭ 87,33% hałasoŭ.

Na druhim miescy — kandydat ad KPRF Mikałaj Charytonaŭ z 4,3% hałasoŭ. Uładzisłavu Davankovu ad partyi «Novyja ludzi» dastałasia 3,81% hałasoŭ. Leanidu Słuckamu ad ŁDPR aficyjna naličyli 3,2% hałasoŭ.

Bolš za ŭsio hałasoŭ vybarščykaŭ u pracentnych suadnosinach Pucin nabraŭ u Čačenskaj Respublicy — tam za jaho prahałasavała 98,99%.

U Kiemieraŭskaj vobłaści jon atrymaŭ 95,73% hałasoŭ, u Tyvie — 95,37%, u Habrejskaj aŭtanomnaj vobłaści— 92,35%, u Sarataŭskaj vobłaści — 91,66%.

U Maskvie Pucin nabraŭ 85,57%, u Maskoŭskaj vobłaści — 86,19%.

Va ŭsich hetych rehijonach apracavana 100% pratakołaŭ.

Samaja vysokaja jaŭka (bolš za 90%) zafiksavana ŭ Čačni, Kiemieraŭskaj vobłaści, Tyvie, Kabardzina-Bałkaryi i Paŭnočnaj Asiecii. Rekordnaja jaŭka taksama zafiksavana na Dalokim Uschodzie.

Vybary pravodzili i na anieksavanych u 2022-m ukrainskich terytoryjach. U «ŁNR» Pucinu aficyjna dali 94,12% hałasoŭ, u «DNR» — 95,23%. Na častcy terytoryi Chiersonščyny, anieksavanaj Rasijaj, za Pucina 88,12% hałasoŭ, na častcy terytoryi Zaparožža — 92,95%. 

Papiarednija vyniki vybaraŭ CVK maje namier padvieści ŭ paniadziełak.

Jašče da abviaščeńnia vynikovych ličbaŭ Pucin daŭ pres-kanfierencyju. Vysokuju jaŭku na vybarach jon źviazaŭ z «dramatyzmam situacyi» i tym, što «Rasija sa zbrojaj u rukach abaraniaje svajo raźvićcio».

Jon vykazaŭsia taksama pra akcyju prychilnikaŭ Navalnaha.

«Ja zaklikaŭ pryjści na vybary. Kali apazicyja tak ličyła, dobra, małajcy. Nakolki ja viedaju, heta nie mieła efiektu. Ale niekatoryja psavali biuleteni — heta drenna, jany vyrašyli nahadzić tym ludziam, jakija pryjšli vykanać svoj hramadzianski abaviazak. Heta niedemakratyčna».

Apazicyjnyja kandydaty ci tyja, chto nie padtrymlivaje vajnu, — sproby rabili Kaciaryna Duncova i Barys Nadzieždzin — na hetyja vybary dapuščany nie byli. 

Za miesiac da vybaraŭ u kałonii za palarnym kruham pamior apazicyjanier Alaksiej Navalny, jaki viarnuŭsia ŭ Rasiju paśla taho, jak Pucin sprabavaŭ jaho atrucić «Navičkom», i adrazu ŭ aeraporcie byŭ zatrymany.

Spravu Navalnaha praciahnuła jaho žonka Julija.

Paplečniki Navalnaha na hetych vybarach zaklikali rasijan dałučycca da akcyi «Apoŭdni suprać Pucina» — pryjści na vybarčyja ŭčastki ŭ adzin čas, kab pakazać, jak šmat niazhodnych ź ciapierašniaj uładaj.

Mnohija rasijanie psavali biuleteni, byli vypadki, kali zalivali urny zialonkaj. A ŭ Piermi piensijanierka navat uzarvała pietardu ŭ tualecie na vybarčym učastku.

Pa danych «OVD-Info» 17 sakavika na vybarach u rasijskich haradach zatrymali 85 čałaviek.

Kamientary16

  • Marna
    18.03.2024
    Navošta pisać pra hetaje ujło ?
  • %
    18.03.2024
    Nu vo, ŭ nas u 2025 treba 97% pisać. A što rabić? Žyćcie vymahaje
  • Fu
    18.03.2024
    raby abrali sabie fiurera. paradoks u tym, što navat tyja rasiejcy, što byccam by suprać vajny, ale za jany pacina. pahladzicie šmatlikija videa, jakija nacysckija słovy jany kazali ŭ adras svajho vialikaha fiurera na ŭčastkach dla hałasavańnia, navat na zamiežnych.

Ciapier čytajuć

«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ93

«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ

Usie naviny →
Usie naviny

U Pałtavie pakazali nastupstvy ŭdaru pa horadzie

Dźmitryja Łukašenki nie było z baćkam i bratami na adznačeńni 3 Lipienia34

Forvard zbornaj Partuhalii i «Livierpula» Dyjohu Žota zahinuŭ u aŭtakatastrofie praź niekalki dzion paśla svajho viasiella1

Mužčyna, što z nažom i ŭ trusach uvarvaŭsia ŭ minskuju kramu, kazaŭ niešta pra zryŭ śpiecapieracyi. VIDEA znutry7

U Pałtavie naniesieny ŭdar pa vajenkamacie: jość zahinułyja i paranienyja3

U Polščy raskazali, jak budzie z 7 lipienia prachodzić kantrol na miažy ź Litvoj2

Horača, jak u piekle. Jak Jeŭropa pieražyła adzin z samych haračych miesiacaŭ za ŭsiu historyju nazirańniaŭ6

Cichanoŭskaja pra 3 Lipienia: Na spravie ni pra jakuju sapraŭdnuju niezaležnaść ci svabodu havorki nie idzie13

«Ty pabačyš i pačuješ. Heta budzie nie bomba, a bombišča». Ranicaj 2 lipienia Pavieł Łatuška atrymaŭ list ad asoby, jakaja pastajanna atakuje jaho22

bolš čytanych navin
bolš łajkanych navin

«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ93

«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić