Ludzi ŭ Rasii masava pišuć na biuleteniach «Nie vajnie» i «Pucin zabojca» FOTY
Centrvybarkam RF zajaviŭ, što ahulnaja jaŭka pa Rasii da 9:30 pa maskoŭskim časie skłała 60%.
Apazicyja na ŭčastkach u Rasii i za miažoj pravodzić akcyju «Apoŭdni suprać Pucina», jakuju abviaściła kamanda Navalnaha.
A rasijanie tym časam psujuć biuleteni na vybarach, kudy nie dapuścili nivodnaha antyvajennaha kandydata. Siarod nadpisaŭ, jakija pakidajuć vybarščyki, — «Nie vajnie», «Słava Ukrainie», nasuprać proźvišča Pucina pišuć «zabojca», «čakajem u Haazie».
Takija dziejańni nie zastalisia biez uvahi. Jak paviedamlaje «Mieduza», na vybarčych učastkach u Maskvie i Padmaskoŭi ŭ subotu z-za nadpisaŭ na biuluteniach było zatrymana niekalki čałaviek.
Pra svajo zatrymańnie na vybarčym učastku pa hetaj pryčynie raspaviała žycharka Padolska Maryja Alaksiejeva. Što kankretna napisała dziaŭčyna, i jak jaje zatrymali, nieviadoma.
Taksama ŭ maskoŭskim rajonie Ramianki na vybarčym učastku byŭ zatrymany mužčyna za toje, što napisaŭ u svaim biuleteni «Pucin zabojca». Nadpis ubačyŭ supracoŭnik palicyi, paśla taho jak vybarščyk apuściŭ list u skryniu i toj upaŭ vonkavym bokam uvierch.
Zatrymanaha dastavili ŭ miascovaje AUS. Jaho abvinavačvajuć u «niepadparadkavańni palicyi». Jak paviedamlajecca, ŭ adździele jon prabudzie da paniadziełku.
U Adzincova mužčyna ŭ śpisie vybarščykaŭ napisaŭ słova «bajkot» i pasprabavaŭ zabrać z saboj vybarčy biuleteń. Adzin ź siabraŭ kamisii vyklikaŭ palicyju.
Ciapier čytajuć
Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar1
Kamientary