Kaho nie puskajuć u Łatviju? Słužba dziaržbiaśpieki apisała ludziej, jakim admaŭlajuć va ŭjeździe
Taksama asablivuju ŭvahu nadali mahčymym sprobam viarboŭki hramadzian Łatvii dla špijanažu ci inšaj antyłatvijskaj dziejnaści.
Čaściej za ŭsio ŭ Łatviju nie puskali mužčyn siaredniaha ŭzrostu, jakija ŭ intervju z pradstaŭnikom śpiecsłužbaŭ prajaŭlali padtrymku palityki Kramla i rasijskaj ahresii va Ukrainie. I heta byli nie tolki hramadzianie Rasii.
U svaim publičnym dakładzie Słužba dziaržbiaśpieki Łatvii detalova abmalavała partret typovaha zamiežnika, jakomu admaŭlali va ŭjeździe ŭ Łatviju, a taksama tych, kaho ŭklučyli ŭ «čornyja śpisy», piša Delfi.lv.
Niahledziačy na źviazanuju ź dziaržaŭnymi tajamnicami śpiecyfiku pracy, SDB vyrašyła prainfarmavać žycharoŭ Łatvii pra pahrozu, jakaja zychodzić ad rasijskich śpiecsłužbaŭ i harantyjach biaśpieki, jakija hatovaja dać dziaržava.
Asablivuju ŭvahu nadali mahčymym sprobam viarboŭki hramadzian Łatvii dla špijanažu ci inšaj antyłatvijskaj dziejnaści. U čarhovy raz papiaredzili ab vysokich ryzykach viarboŭki i raźviedki pry naviedvańni Rasii ci Biełarusi.
U minułym hodzie, kab nie dapuścić ujezdu ŭ Łatviju varoža nastrojenych i/abo źviazanych sa śpiecsłužbami Rasii ci Biełarusi zamiežnikaŭ, supracoŭniki SDB sumiesna ź inšymi słužbami ŭviali ŭzmocnienyja miery mihracyjnaha kantrolu jak unutry krainy, tak i na pamiežnych kantrolna-prapusknych punktach. Asobam, nakont jakich vyjaŭlena ryzyka suviazi z vyviedkaj RF abo Biełarusi abo inšyja pahrozy nacyjanalnaj biaśpiecy Łatvii, było admoŭlena va ŭjeździe i znachodžańni.
Niekatorym zamiežnikam ujezd zabaranili na stadyi prachodžańnia praz KPP, a častka zamiežnikaŭ była ŭklučana ŭ «čorny śpis» raniej.
Kali ŭniesienyja ŭ čorny śpis ludzi znachodzilisia ŭ Łatvii, ich vydvarali z krainy z dapamohaj Dziaržaŭnaj pamiežnaj słužby.
Ciapier čytajuć
Da «Dnia narodnaha adzinstva» pamiłavali 25 čałaviek4
Kamientary