Łatvija skardzicca, što na jaje miažy ź Biełaruśsiu znoŭ aktyvizavalisia mihranty
Z nadychodam viasny ŭłady Łatvii adznačajuć pavieličeńnie kolkaści mihrantaŭ na miažy ź Biełaruśsiu. «Apošnija dni pakazvajuć, što kolkaść parušeńniaŭ znoŭ pavialičvajecca», — zajaviŭ načalnik pamiežnaj słužby Łatvii Huncis Pujats.
Zdymak ilustracyjny
Pavodle słoŭ łatvijskaha čynoŭnika, za pieršyja dni sakavika było zroblena ŭžo 46 sprobaŭ niezakonnaha pierasiačeńnia miažy ŭ paraŭnańni z 75 vypadkami ŭ lutym. Pujats tłumačyć rost mihrantaŭ ciopłym nadvorjem.
Letaś Łatvija zajaviła, što spyniła bolš za 13 000 sprobaŭ niezakonna pierasiekčy miažu JEZ ź Biełaruśsiu, a ŭ 2022 hodzie — 5300 sprobaŭ.
Kamientary