Ultrapravaja arhanizacyja «Našy kansiervatyŭnyja ruchi» raskleiła ŭ Białhradzie płakaty ŭ padtrymku Alaksandra Łukašenki.
Płakaty z abliččam Alaksandra Łukašenki i nadpisam «Sierbija z Łukašenkam» zaŭvažyli karespandenty sierbskaj słužby Radyjo Svabodnaja Jeŭropa ŭ centry Białhrada 19 lutaha. Płakaty byli rasklejenyja za niekalki dzion da dnia hałasavańnia ŭ Biełarusi, pryznačanaha na 25 lutaha.
Zdymki hetych płakataŭ taksama dasłali i ŭ biełaruskuju słužbu Radyjo Svaboda.
Arhanizatary akcyi paviedamili, što Łukašenka «zjaŭlajecca zaśviedčanym siabram Sierbii, padtrymka jakoha mieła vialikaje značeńnie padčas ahresii NATO suprać SRIU ŭ 1999 hodzie, kali jon naviedaŭ Białhrad i akazaŭ padtrymku sierbskamu narodu».
«Napiaredadni parłamienckich vybaraŭ u Biełarusi, pryznačanych na 25 lutaha 2024 hoda, kansiervatyŭny ruch «Našy» vykazvaje poŭnuju padtrymku prezidentu Alaksandru Łukašenku, jaki viadzie niezaležnuju i sacyjalna aryjentavanuju palityku», — napisali arhanizatary akcyi.
Chto staić za rucham, jaki raskleiŭ płakaty?
«Kansiervatyŭny ruch «Našy» — niezarehistravanaja arhanizacyja. Jana adkryta padtrymlivaje rasiejskaje ŭvarvańnie va Ukrainu, vystupaje suprać jeŭraintehracyi Sierbii i adstojvaje antyimihranckija pohlady.
Hetaja arhanizacyja była stvoranaja Sierbskim narodnym rucham «Našy», inšaj niezarehistravanaj arhanizacyjaj, zabarony jakoj u 2012 hodzie damahałasia prakuratura Sierbii, siarod inšaha, za raspalvańnie nacyjanalnaj, relihijnaj, rasavaj i sieksualnaj varožaści i dyskryminacyi.
Adnak Kanstytucyjny sud krainy tady paličyŭ, što ŭmovy dla zabarony ich dziejnaści nie byli vykananyja.
Łukašenka zjaŭlajecca adnym ź niamnohich sajuźnikaŭ prezidenta Rasiei Uładzimira Pucina, a Biełaruś znachodzicca pad sankcyjami Jeŭrapiejskaha sajuza z-za jaje roli va ŭvarvańni Rasii va Ukrainu.
Sierbija vybaračna dałučyłasia da sankcyj suprać Biełarusi, ale nastojliva admaŭlajecca ŭvieści ich u dačynieńni da Rasii.
Fanaty sierbskaj «Crvieny Źviezdy» razmachvali rasijskimi ściahami na trybunach padčas matču čempijanatu krainy
Nijakich Turcyi, Armienii i Kazachstana. U jakija krainy nie varta jechać, kali baiciesia zatrymańnia i ekstradycyi
Sierbskija dobraachvotniki ŭ rasijskaj armii zajavili, što ź ich ździekujucca
Kamientary