«Nadyšoŭ čas demakratyjam pakazać svaje zuby». Śviatłana Cichanoŭskaja vystupiła ŭ Miunchienie na Kruhłym stale pa Biełarusi
Śviatłana Cichanoŭskaja vystupiła na Kruhłym stale pa Biełarusi, jaki byŭ arhanizavany ISANS padčas Miunchienskaj kanfierencyi pa biaśpiecy, paviedamiła jaje pres-słužba.
«Siońnia my ŭsie byli šakavanyja navinoj ab śmierci Navalnaha… U nas niama sumnievaŭ u tym, chto niasie adkaznaść za śmierć Navalnaha. Jaho zabiŭ pucinski režym. Heta napamin usiamu śvietu ab tym, što dyktatary nie spyniajucca ni pierad čym.
Dyktatary nie spyniacca, pakul ich nie spynim my, — tak Cichanoŭskaja pačała svaju pramovu. — Nam strašna za žyćci tysiačaŭ našych biełaruskich palitviaźniaŭ. Mnohija ź ich utrymlivajucca pad vartaj biez suviazi sa źniešnim śvietam, i my nie viedajem, ci žyvyja jany. Siarod ich moj muž Siarhiej, łaŭreat Nobieleŭskaj premii miru Aleś Bialacki, Maša Kaleśnikava i mnohija inšyja».
«Nadyšoŭ momant, kali demakratyčny śviet pavinien prademanstravać nie tolki adzinstva, ale i advahu. Adkaz na źvierstvy, jakija ździajśniajucca režymam Łukašenki i Pucina, pavinien być rašučym.
Hety adkaz pavinien uklučać mahutnyja sankcyi suprać hetych režymaŭ, a taksama dapamohu ŭsim tym, chto biasstrašna zmahajecca ź imi. Nadyšoŭ čas demakratyjam pakazać svaje zuby», — zajaviła demakratyčnaja lidarka.
«Padtrymka demakratyčnych źmienaŭ u Biełarusi — heta nie dabračynnaść, a inviestycyi ŭ biaśpieku i mir u Jeŭropie», — čarhovy raz nahadała jana.
Čytajcie taksama:
Cichanoŭskaja: Niama sumnievaŭ u tym, što Navalnaha metanakiravana zabiŭ pucinski režym
Što kazaŭ Navalny pra pratesty, biełaruskuju movu, Cichanoŭskuju i Łukašenku
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary