Cichanoŭskaja: Niama sumnievaŭ u tym, što Navalnaha metanakiravana zabiŭ pucinski režym
Demakratyčny lidar Biełarusi prakamientavała naviny pra śmierć u rasijskaj kałonii Alaksieja Navalnaha.
«Siońnia ŭ siecivie źjavilisia naviny pra śmierć Alaksieja Navalnaha ŭ rasiejskaj kałonii. Heta śmierć — čarhovy dokaz, što dla dyktataraŭ čałaviečaje žyćcio nie maje nijakaj kaštoŭnaści. Režym Pucina, jak i režym Łukašenki, u imknieńni zachavać uładu pazbaŭlajecca ad apanientaŭ lubymi sposabami.
U Biełarusi zaraz dziasiatki palitviaźniaŭ znachodziacca ŭ režymie inkamunikada — žyćci Mikałaja Statkieviča, Mašy Kaleśnikavaj, majho muža Siarhieja i inšych zaraz znachodziacca pad pramoj pahrozaj. Vitold Ašurak, Vadzim Chraśko, Aleś Puškin, Mikałaj Klimovič užo pamierli ŭ źniavoleńni. A jašče sotni ludziej utrymlivajucca ŭ niečałaviečych umovach i biez usialakaj dapamohi.
Alaksieja, jak i mnohich biełaruskich palitviaźniaŭ, nieadnarazova adpraŭlali ŭ ŠIZA. U lutym heta zrabili 27-y raz. My ŭsie bačyli na fota, jak takija ŭmovy ŭtrymańnia adbilisia na jaho stanie. Mienavita tamu ŭ mianie niama sumnievaŭ u tym, što Navalnaha metanakiravana zabiŭ pucinski režym.
Ja vydatna razumieju, jak ad hetaj naviny ściskajecca serca ŭsich, čyje blizkija zaraz znachodziacca ŭ turmie. Julija Navalnaja i ich z Alaksiejem dzieci siońnia atrymali samuju strašnuju navinu, jakuju my baimsia atrymać ab tysiačach našych kachanych. Ja vykazvaju ščyryja spačuvańni siamji, blizkim i kaleham Alaksieja Navalnaha. Majo serca siońnia z vami», — skazała Śviatłana Cichanoŭskaja.
U kałonii raptoŭna pamior Alaksiej Navalny
Piaskoŭ paviedamiŭ, što ŭ Kramla niama infarmacyi pra pryčyny śmierci Navalnaha
U kamandzie Navalnaha zajavili, što nijakich paćviardžeńniaŭ śmierci palityka ŭ ich niama
«Pucin trymaŭsia, kali jamu raskazali pra śmierć Navalnaha» — «Kommiersant»
Chrysta Hrozieŭ pra śmierć Navalnaha: «Jon urešcie byŭ zabity Pucinym siońnia»
Ciapier čytajuć
Maładuju arhanizatarku viasiellaŭ asudzili za «raspalvańnie varožaści»3
Kamientary