Viciebski sud zavočna asudziŭ biełarusku, jakaja daŭno ŭžo žyvie za miažoj
Biełarusku Alenu Šabuniu, jakaja ŭžo niekalki hadoŭ žyvie za miažoj, vyklikali ŭ sud Pieršamajskaha rajona Viciebska, paviedamiŭ telehram-kanał «Viciebsk, ja hulaju». Paźniej ža ŭžo sama Alena paviedamiła ŭ fejsbuku pra toje, što jaje zavočna asudzili pa milicejskich pratakołach, aformlenych bieź jaje prysutnaści.
«Ź Pieršamajskaj milicyi moj stary znajomy Rybakoŭ paviedamiŭ, što mianie buduć sudzić 21.02 u 10.00 u sudzie Pieršamajskaha rajona i prykłaŭ pratakoły, jakija składzienyja na mianie biez majoj prysutnaści i viedama. Ja źbirajusia pajści na sud, šukaju pa kramach novuju sukienku, jakaja najbolš padydzie da takoj uračystaj situacyi, a tut ź inšaha boku danosicca infarmacyja, što sud, akazvajecca, adbyŭsia siońnia. Voś dzie nieviazucha — nie paśpieła», — napisała Alena Šabunia.
Miarkujučy pa raskładzie na sajcie suda, žančynu sudzili pa dvuch administracyjnych artykułach — ab raspaŭsiudzie «ekstremisckich materyjałaŭ» i parušeńni paradku praviadzieńnia masavych mierapryjemstvaŭ (artykuły 19.11 i 24.23 KaAP).
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ
Kamientary