Baskaŭ prakamientavaŭ skandał na chakiejnym «Kubku budučyni» ŭ Minsku
Na moładzievym chakiejnym turniry ŭ Miensku rasiejcy abrazilisia parazie ad biełarusaŭ i ŭčynili demarš. Jany admovilisia prymać kamandnuju sałatnicu za 2-je miesca, a taksama demanstratyŭna pakinuli na lodzie indyvidualnyja pryzy. Uručaŭ pryzy adyjozny Dźmitryj Baskaŭ, kolišni staršynia Fiederacyi chakieju Biełarusi, a ciapier «sienatar». Ciapier jon prakamientavaŭ pavodziny rasiejskich chakieistaŭ, piša sport5.by.
«Takoje staŭleńnie da našych chakieistaŭ i zaŭziataraŭ z boku tolki pačynajučych svoj šlach u vialiki sport pacanoŭ, prosta niedapuščalnaje i supiarečyć siabroŭstvu i padtrymcy, jakija zaŭsiody byli pamiž našymi krainami i narodami.
Niešta možna śpisać na niespraktykavanaść i emocyi, haračuju kroŭ, bo ŭmieńnie hodna prajhravać i zdabyvać z paražeńniaŭ pravilnyja ŭroki — cełaje mastactva, i im hetaja zbornaja Rasiei pakul nie avałodała.
Ale ŭ takim vypadku chočacca nahadać trenieram kamandy: vychavać chakieista — heta nie tolki navučyć jaho katańniu i vałodańniu kluškaj, ale i pryščapić jamu pravilnyja žyćciovyja kaštoŭnaści i aryjenciry, što asabliva važna ŭ ciapierašniaj palityčnaj situacyi ŭ sporcie ŭ cełym, i ŭ chakiei, u pryvatnaści», — skazaŭ Dźmitryj Baskaŭ.
Nahadajem, na «Čyžoŭka-Arenie» ŭ Miensku paśla pieramohi moładzievaj zbornaj Biełarusi nad zbornaj Rasiei 6:5 hości admovilisia ad uznaharod praz sudziejstva.
Ciapier čytajuć
Łukašenka patłumačyŭ, čamu jaho nie vidać pa sieradach i subotach18
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary