Zdareńni22

«Lehiendarnaja jama. Dzied pra jaje raskazvaŭ». U Maładziečnie mašyna pravaliłasia pad asfalt

Žychary Maładziečna padzialilisia ŭ sacsietkach videa vielizarnaj jamy, jakaja ŭtvaryłasia na prajeznaj častcy na adnoj z vulic horada i ŭ jakuju trapiła lehkavaja mašyna. Piaredniaje koła aŭtamabila pravaliłasia pad razmyty vadoj asfalt, jaki abrynuŭsia. Što stała pryčynaj zdareńnia i čamu daroha pryjšła ŭ taki žachlivy stan, daviedaŭsia Telegraf.news.

Aŭtar videa pakinuŭ vielizarnuju prastoru dla fantazij kamientataraŭ, pakazaŭšy tolki kankretnaje miesca zdareńnia. Astatnija abstaviny, jakija pryviali da taho, što mašyna apynułasia ŭ darožnaj pastcy, udałosia daviedacca ŭžo tolki z tłumačeńniaŭ udzielnikaŭ i vidavočcaŭ padziej, u taksama aficyjnych kamientaroŭ miascovych čynoŭnikaŭ.

Niahledziačy na ŭražlivyja kadry, mnohija hledačy ŭ kamientarach nie byli ździŭleny ŭbačanym, zajaviŭšy, što «na Lasnych nikoli nie było dobraj darohi, hadoŭ z 30 tak dakładna».

«Lehiendarnaja jama, dzied pra jaje raskazvaŭ», — napisaŭ adzin z kamientataraŭ.

«Ničoha dziŭnaha, jak rabili, na stolki i chapiła!», — zajaviŭ inšy.

Niekatorych ździviła tolki toje, što kiroŭca nie zmoh svoječasova zaŭvažyć takuju vielizarnuju jaminu i na svoj strach dy ryzyku pasprabavaŭ jaje pieraadoleć. Adnak u kamientarach vidavočcy rastłumačyli, što kiroŭca prosta staŭ zakładnikam źbiehu abstavin: sam incydent adbyŭsia ŭ ciemradzi, kali «bačnaja była tolki łužyna na pałovu vulicy», a samoj jamy z-za vady było nie vidać.

Pra toje, što ŭ hetym miescy vymyła piasok, a asfalt pravaliŭsia, kiroŭca daviedaŭsia tolki pastfaktum.

Akazałasia, što ŭ hetym miescy prarvała trubu vadapravoda. Pra heta rajonnamu vydańniu «Maładziečanskaja hazieta» raskazaŭ namieśnik dyrektara miascovaha vodakanała.

«1 lutaha ŭ 22:40 ad žycharoŭ vulicy Niakrasava pastupiła infarmacyja, što z-pad ziamli bje fantan. Bryhada rabotnikaŭ našaj arhanizacyi apieratyŭna vyjechała na miesca, acaniła situacyju i adrazu ž prystupiła da pracy. U asfaltavym pakryćci ŭtvaryłasia raskolina, adkul i biła vada. Śpiecyjalisty vodakanała pierakryli najbližejšy kałodziež, a niebiaśpiečnaje dla hramadzian i aŭtamabilaŭ miesca abharadzili papieradžalnaj stužkaj. Raboty vialisia ŭsiu noč», — raskazaŭ čynoŭnik abstaviny kamunalnaj avaryi.

Darečy, sam kiroŭca ŭ vyniku incydentu nie paciarpieŭ, a aŭtamabil vyjechaŭ ź jamy svaim chodam. Padaču vady kamunalnyja słužby adnavili na nastupny dzień.

Na miescy razmytaha asfaltu supracoŭniki vodakanała padsypali piasku, a kali jon usiadziecca, paabiacali «zrabić padsypku paŭtorna pry nieabchodnaści». Kali ž zamieniać razmyty asfalt, tam nie ŭdakładnili.

Kamientary2

  • Nu
    04.02.2024
    Pa Biełarusi, mabyć, šmat takich miescaŭ, dzie uvohule pa dakumentach asfalt kłali nie adzin raz, a jaho tam zusim niama.
  • Lesnik
    04.02.2024
    Soviet ! Jeśli popał kolesom v jamu i povriedił avtomobil! Nado zaliť v etu jamu vodu vyzvať HAI i skazať čto nie vidieł ! Jeśli tak nie sdiełať popadioš na riemont . Kstati Ja prožił tam 30 let , ja udivlon tierpieniju naroda ! Dorohi kak stiralnaja doska , traurov počti niet, bołota, hriaź . Obiazatielnyje usłovija dla riemonta dožd́ i śnieh bitumom i hravijem zakidali i vsie. Na viły kamunalnik ! Sidieł tam čiort užie zabył kak familija .

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA32

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Usie naviny →
Usie naviny

Pjany vaśmikłaśnik u Homieli ŭ handlovym centry biŭ nahami supracoŭnikaŭ milicyi12

Aŭtamabil pad Minskam sutyknuŭsia adrazu z tryma łasiami1

Ad zaŭtra znoŭ pačnie chaładać2

Kala Śbier banka ŭ Minsku adkryvajuć pomnik kačcy

Na kanfierencyi Reshape 2025 aburylisia «tysiačami kanfierencyj», abvinavacili Cichanoŭskuju ŭ dyktatury i acanili vyniki 5 hadoŭ u emihracyi28

«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»18

Žančyna złaviła na Prypiaci hihanckaha taŭstałobika. Jaho vaha — kala 60 kh3

Dziaŭčyncy z Polščy, achviaravać hrošy jakoj zaklikaŭ biełarus, sabrali patrebnuju sumu1

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA32

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić