Ministerstva adukacyi zaćvierdziła prahramu fakultatyva «Vajenny pierakład» pa anhlijskaj movie dla vučniaŭ 10-11 kłasaŭ, adpaviednaja pastanova viedamstva aficyjna apublikavana ŭ aŭtorak na Nacyjanalnym pravavym internet-partale.
Zhodna z hetym dakumientam, na fakultatyvie staršakłaśniki buduć nie tolki vyvučać asablivaści vajennaha pierakładu, ale i strukturu Uzbrojenych sił ZŠA i Vialikabrytanii, a taksama navučacca pierakładać dopyty pałonnych, piša «Sputnik».
Hetaja vučebnaja prahrama raźličana na 69 navučalnych hadzin: u 10-m kłasie — 35 hadzin i 34 hadziny ŭ 11-m.
Za hety čas školniki pavinny buduć asvoić vajennuju terminałohiju i abrevijatury, hramatyčnyja źjavy, charakternyja dla aryhinalnych vajennych i vajenna-techničnych tekstaŭ, ahulnyja źviestki ab uzbrojenych siłach Vialikabrytanii i ZŠA i ich uzbrajeńnie, a taksama kłasifikacyju vajenna-tapahrafičnych kart.
Miarkujecca, što ŭ ramkach hetaha fakultatyva vučni starejšych kłasaŭ navučacca «vykarystoŭvać atrymanyja viedy ŭ roznych situacyjach inšamoŭnych znosin, zdabyvać infarmacyju z tekstu pa vajennaj tematycy, čytać źmiest bajavych dakumientaŭ i pieradavać ich sutnaść na ruskaj movie, pierakładać z anhlijskaj movy na ruskuju vajennyja i vajenna-techničnyja teksty, ažyćciaŭlać dvuchbakovy pierakład hutarki abo dopytu vajennapałonnaha, a taksama vyznačać pa znakach adroźnieńnia amierykanskich i brytanskich vajskoŭcaŭ, ich prynaležnaść da zvańniaŭ i katehoryjaŭ».
Kab hetamu navučycca, na fakultatyŭnych zaniatkach buduć vykonvacca roznyja vusnyja i piśmovyja vidy rabot.
Siarod ich pierakład ź lista zamiežnaha tekstu, dvuchbakovy pierakład hutarki, dopytu abo apytańnia, rasšyfroŭka abrevijatur, pieradača źmiestu schiem vajennaha charaktaru, a taksama piśmovy pierakład vajennych i vajenna-techničnych tekstaŭ z anhlijskaj movy na ruskuju.
-
Siostram Hruździevym nie dazvolili vystupić na hałoŭnym forumie ŭ Dzień adzinstva, a padpisčyki zapadozryli ich u zdradzie
-
Izrail unios u čorny śpis sotni kryptakašalkoŭ, mierkavana, źviazanych ź iranskimi śpiecsłužbami. Zabłakavanyja $1,5 miljona
-
Saša Filipienka: Statkievič — hłyba, ale ŭ Biełarusi ŭžo dastatkova Mandełaŭ na kvadratny mietr
Ciapier čytajuć
«Arabski šejch zasunuŭ dalary ŭ kišeniu». Błohier Vadimati Jermašuk ciapier pracuje achoŭnikam luksavych bucikoŭ6
Kamientary
Tak chutka vajna?