Śćviardžajecca, što paškodžany byŭ radarny kompleks chusitaŭ.
Telekan «Al-Masira», jaki naležyć chusitam, pieradaje, što ŭ stalicy krainy Sanie byli čutnyja vybuchi: atacy padvierhłasia raźmieščanaja niedaloka avijabaza Al-Dajłami, piša Rasijskaja słužba Radyjo Svaboda.
Udar byŭ naniesieny na nastupny dzień paśla skaardynavanaj ataki pa pazicyjach chusitaŭ z boku ZŠA i Vialikabrytanii pry padtrymcy šerahu inšych krain. Pa danych Pientahona, vajskoŭcy parazili 60 celaŭ na 28 abjektach. Siarod ich radary, sistemy SPA, składy, miescy zapusku bieśpiłotnikaŭ i rakiet. Chusity paviedamili, što ŭ vyniku abstrełu zahinuli piać vajskoŭcaŭ, jašče šeść byli paranienyja.
Prezident ZŠA Džo Bajden papiaredziŭ, što ŭdary mohuć praciahnucca, kali chusity nie spyniać atakavać handlovyja i vajennyja sudny ŭ ekanamična važnym rajonie. Na pytańnie žurnalistaŭ, ci možna nazvać chusitaŭ terarystyčnaj hrupoŭkaj, Bajden adkazaŭ: «Dumaju, što heta tak».
U lutym 2021 hoda ZŠA vyklučyli hrupoŭku chusitaŭ sa śpisu terarystaŭ — i ciapier mohuć u jaho viarnuć.
Iran, jaki padtrymlivaje chusitaŭ, Katar, Rasija, Saudaŭskaja Aravija i Turcyja asudzili ŭdary ZŠA i Vialikabrytanii. Sami chusity zajavili, što praciahnuć atakavać karabli, jakija iduć u Izrail abo ź jaho. Raniej chusity abjaŭlali, što ŭklučajucca ŭ vajnu suprać Izraila na baku hrupoŭki CHAMAS, pryznanaj u ZŠA i ES terarystyčnaj.
***
Chusity — heta vajenizavanaja hrupoŭka šyitaŭ-ziejdytaŭ, jakaja dziejničaje na terytoryi Jemiena i ŭźnikła ŭ 1990-ch hadach suprać relihijnaha ŭpłyvu Saudaŭskaj Aravii. Hrupoŭka nazvanaja pa imieni jaje zasnavalnika i byłoha kiraŭnika Chusejna al-Chusi, zabitaha jemienskaj armijaj u vieraśni 2004 hoda. Tady samaabvieščany imam Chusejn al-Chusi padniaŭ antyŭradavy miaciež, abvinavaciŭšy ŭładu Jemiena ŭ tak zvanaj «dyskryminacyi ziejdyckaha nasielnictva». Paśla jaho śmierci kiraŭnictva hrupoŭkaj pierajšło da jaho brata Abdel-Malika al-Chusi.
Chusity vyznajuć ziejdycki mazchab — svojeasablivy napramak šyickaj haliny isłamu. Jany zajaŭlajuć, što «abaraniajuć šyizm ad upłyvu sunizmu», jaki spaviadajecca bolšaściu nasielnictva krainy.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary