U Maładziečnie źjavilisia nadpisy ŭ padtrymku Azaronka. Ale jość niuans
Rehijanalnaje vydańnie kraj.by apublikavała ŭ svaim telehram-kanale zdymki, padpisaŭšy ich tak: «U Maładziečnie kamunalniki ŭ padtrymku žurnalista Ryhora Azaronka raśpisali kantejnier».
Praŭda, forma vykanańnia nadpisu, a asabliva miesca, na jakoje jon naniesieny, vyklikała nastupnuju zaŭvahu:
«Zrazumieła, što kožny vykarystoŭvaje svajo pracoŭnaje miesca, ale raim hetym aktyvistam znajści inšyja sposaby vykazać svajo staŭleńnie!»
Vydańnie kraj.by naležyć da tych kaliści niezaležnych, jakija niadaŭna byli «adcisnutyja» dziaržavaj. Ź leta 2023-ha rekvizity na sajcie moŭčki źmianilisia na rekvizity praŭładnaj «Minskaj praŭdy». Anijakich paviedamleńniaŭ pra heta nie było, ale, imavierna, ciapier jaho taksama viaduć žurnalisty hetaha vydańnia. Nieviadoma, na jakich umovach dziaržSMI atrymali resurs, pa ŭsim vidać, prosta zabrali z dapamohaj cisku źvierchu.
Kamientary