«Usio, vy zdradniki». Prapahandysty zaklikajuć zabrać kvateru ŭ Aleksijevič i pazbavić emihrantaŭ spadčyny
Ryhor Azaronak i Piotra Piatroŭski abmierkavali kryminalnuju spravu Kaardynacyjnaj rady.
«Chiba my nie viedajem, što vy zdajacie ŭ arendu [majomaść], što karystajucca [joju] vašy svajaki? Svajaki taksama pavinny adkazvać za toje, kaho jany vychavali», — zajaviŭ Azaronak.
Piatroŭski padtrymaŭ taho. «Treba pazbaŭlać ich [tych, chto źjechaŭ], prava na spadčynu na terytoryi Biełarusi. Usio, darahija maje, vy abrali inšuju dziaržavu. Vy vybrali zachodnija dziaržavy. Usio, vy zdradniki. Značyć, vy nie majecie prava ni na što na terytoryi krainy», — kaža prapahandyst.
Azaronak źviarnuŭ uvahu na nobieleŭskuju łaŭreatku Śviatłanu Aleksijevič.
«Voś jość u nas nobieleŭka… Jana taksama siabra hetaj złačynnaj arhanizacyi. Čamu ŭ jejnaj kvatery (a ŭsie viedajuć, dzie ŭ jaje kvatera)… — pačaŭ Azaronak, dadajučy šmatlikija abrazy.
«Naohuł, treba jaje kvateru šmatdzietnym siemjam addać», — pierabiŭ jaho Piatroŭski.
«Voś! — pahadziŭsia Azaronak i praciahnuŭ. — Na vajskova-patryjatyčnyja kłuby, siłavikam treba addać. Čaho my saromiejemsia, ja nie razumieju?»
Učora Śledčy kamitet raspavioŭ, što pa tak zvanaj «spravie Kaardynacyjnaj rady» padazravanymi prachodziać bolš za 100 čałaviek.
Pa krainie prajšli masavyja pieratrusy, u tym liku pryjšli pa miescy rehistracyi Paŭła Łatuški, Siarhieja Čałaha, Jurasia Hubareviča i inšych.
U XX stahodździ nacyscki i saviecki režymy kanfiskoŭvali majomaść u pradstaŭnikoŭ tych sacyjalnych hrupaŭ, nacyjanalnaściej i palityčnych siłaŭ, jakich represavali.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary
opańki. so skorosťju śvieta mčimsia v Sieviernuju Korieju
Hryša, małajdziec! Kali pojdziem raskułačvać deputata Savinych ź jahonaj dačkoj ŭ Vialikaj Brytanii i Mukavozčyka ź jahonym synam u ZŠA?! Bo vidavočna vychavali drenna