«Усё, вы здраднікі». Прапагандысты заклікаюць забраць кватэру ў Алексіевіч і пазбавіць эмігрантаў спадчыны
Рыгор Азаронак і Пётра Пятроўскі абмеркавалі крымінальную справу Каардынацыйнай рады.
«Хіба мы не ведаем, што вы здаяце ў арэнду [маёмасць], што карыстаюцца [ёю] вашы сваякі? Сваякі таксама павінны адказваць за тое, каго яны выхавалі», — заявіў Азаронак.
Пятроўскі падтрымаў таго. «Трэба пазбаўляць іх [тых, хто з’ехаў], права на спадчыну на тэрыторыі Беларусі. Усё, дарагія мае, вы абралі іншую дзяржаву. Вы выбралі заходнія дзяржавы. Усё, вы здраднікі. Значыць, вы не маеце права ні на што на тэрыторыі краіны», — кажа прапагандыст.
Азаронак звярнуў увагу на нобелеўскую лаўрэатку Святлану Алексіевіч.
«Вось ёсць у нас нобелеўка… Яна таксама сябра гэтай злачыннай арганізацыі. Чаму ў ейнай кватэры (а ўсе ведаюць, дзе ў яе кватэра)… — пачаў Азаронак, дадаючы шматлікія абразы.
«Наогул, трэба яе кватэру шматдзетным сем’ям аддаць», — перабіў яго Пятроўскі.
«Вось! — пагадзіўся Азаронак і працягнуў. — На вайскова-патрыятычныя клубы, сілавікам трэба аддаць. Чаго мы саромеемся, я не разумею?»
Учора Следчы камітэт распавёў, што па так званай «справе Каардынацыйнай рады» падазраванымі праходзяць больш за 100 чалавек.
Па краіне прайшлі масавыя ператрусы, у тым ліку прыйшлі па месцы рэгістрацыі Паўла Латушкі, Сяргея Чалага, Юрася Губарэвіча і іншых.
У XX стагоддзі нацысцкі і савецкі рэжымы канфіскоўвалі маёмасць у прадстаўнікоў тых сацыяльных групаў, нацыянальнасцей і палітычных сілаў, якіх рэпрэсавалі.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары
опаньки. со скоростью света мчимся в Северную Корею
Грыша, малайдзец! Калі пойдзем раскулачваць дэпутата Савіных з ягонай дачкой ў Вялікай Брытаніі і Мукавозчыка з ягоным сынам у ЗША?! Бо відавочна выхавалі дрэнна