Pamior śpiavak Šymon Israeli. Padčas Chałakostu jon vyžyŭ u hieta ŭ Stoŭbcach
Va ŭzroście 91 hoda pamior izrailski śpiavak i akcior Šymon Israeli (imia pry naradžeńni — Šymon Pasiesorski), piša newsru.co.il.
Uradženiec Varšavy, Israeli padčas Chałakostu vyžyŭ u hieta ŭ Stoŭbcach, a ŭ 1946 hodzie pierajechaŭ u padmandatnuju Paleścinu, dzie ŭziaŭ novaje proźvišča i praź niekalki hadoŭ pačaŭ akciorskuju i śpiavackuju karjeru.
Pieršych pośpiechaŭ u Izraili i pa-za jaho miežami artyst damohsia ŭ druhoj pałovie 1950-ch u składzie trya שלושת המיתרים («Šłošet hamiejtarym» — «Try struny», mižnarodnaja nazva — Trio Aravah).
Na kancertach u Francyi hurt vystupaŭ na adnoj scenie z Šarlem Aznavuram i Žakam Brelem.
Inšym prajektam, u jakim jon udzielničaŭ u tyja ž hady, byŭ muzyčna-teatralny hurt בצל ירוק («Bacal jarok» — «Zialonaja cybula»).
Paśla raspadu abodvuch ansamblaŭ Šymon Israeli staŭ pieršym izrailskim artystam, jaki advažyŭsia vystupać na scenie soła, pryčym ź pieśniami ŭłasnaha sačynieńnia.
Siarod ich byli šmatlikija papularnyja dahetul u Izraili chity — u tym liku pieśnia «סתם יום של חול» («Stam jom šel chol» — «Prosta budni dzień»).
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii2828
Kamientary