Ukrainskija telehram-kanały apublikavali VIDEA ź miesca likvidacyi Kivy
Ukrainskija telehram-kanały sa spasyłkaj na krynicy ŭ SBU publikujuć fota i videa ź miesca zabojstva byłoha deputata Viarchoŭnaj Rady Illi Kivy. Na kadrach bačnaja zbroja, ź jakoj byŭ zastreleny Kiva, a taksama naziralny punkt, ź jakoha ahienty SBU sačyli za eks-nardepam.
Taksama apublikavana fota, jak śćviardžajecca, cieła zabitaha.
Śpiecapieracyja SBU rychtavałasia doŭhi čas i była paśpiachova realizavana słužbaj, piša Insajdier UA. Na kadrach vidać, jak cieła Kivy lažyć na śniezie, a kala jaho — plamy kryvi.
Asobna na videa vidać naziralny punkt, adkul sačyli za Kivam. «Mienavita niedaloka ad hetaha miesca Kiva časta zdymaŭ svaje šmatlikija antyŭkrainskija videa», — dadaje Insajdier UA.
Pavodle krynic vydańnia, Kiva byŭ adnoj z pryjarytetnych metaŭ, jaho «viali» daŭno, vyvučali da detalaŭ maršruty pieramiaščeńnia, rasparadak dnia i zvyčki. Niahledziačy na surjoznuju achovu, SBU likvidavała jaho pad Maskvoj.
«Heta sihnał usim zdradnikam i vajennym złačyncam, jakija pierajšli na bok voraha. Pamiatajcie, Rasija vas nie abaronić. Jak adznačaŭ raniej kiraŭnik SBU Vasil Maluk, śmierć — heta adzinaja pierśpiektyva, jakaja čakaje vorahaŭ Ukrainy», — dadaje krynica.
Cieła byłoha ŭkrainskaha deputata znajšli 6 śniežnia na terytoryi parkavaj zony hatela «Vielič' Country Club» u padmaskoŭnaj vioscy Supanieva.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club6
Kamientary