SBU likvidavała charkaŭskaha kałabaranta, jaki ŭciok u Rasiju — miedyja
Słužba biaśpieki Ukrainy ŭ rasijskim Biełharadzie likvidavała Alaksandra Ślisarenku, jaki raniej adznačyŭsia jak aktyŭny pradstaŭnik akupacyjnaj rasijskaj administracyi na Charkaŭščynie. Pra heta paviedamlajuć adrazu niekalki ŭkrainskich ŚMI na padstavie svaich krynic u siłavych strukturach.
Tak, «Ukrainskaja praŭda» paviedamlaje, što kolišni namieśnik kiraŭnika akupacyjnaj administracyi Charkaŭskaj vobłaści Alaksandr Ślisarenka byŭ zabity 16 listapada ŭ Biełharadzie. Padryŭ aŭtamabila, u jakim jon jechaŭ, pa infarmacyi krynicy vydańnia, arhanizavała Słužba biaśpieki Ukrainy.
«Hety, užo były, zdradnik kaliści pracavaŭ u orhanach unutranych spraŭ Ukrainy. U 2014 hodzie byŭ aktyŭnym udzielnikam charkaŭskaha Antymajdana, a ŭ 2021-2022 hadach vajavaŭ za t. zv. «ŁNR» u składzie śpiecpadraździaleńnia «Ryś». Uletku 2022 hoda staŭ namieśnikam kiraŭnika akupacyjnaj administracyi Charkaŭskaj vobłaści pa ŭnutranaj palitycy. Datyčny da źvierstvaŭ rasijcaŭ na akupavanaj terytoryi.
SBU vystaviła Ślisarenku abvinavačańnie ŭ dziaržaŭnaj zdradzie, adnak jon nie źjaviŭsia na sud. Tamu sud sam pryjšoŭ da jaho. Pra padryŭ Ślisarenki rasijskija ŭłady maŭčać i siońnia», — paviedamiŭ surazmoŭca «Ukrainskaj praŭdy».
Kamientary