Pra śmierć eks-deputata Viarchoŭnaj Rady Illi Kivy paviedamlajuć rasijskija aficyjnyja ŚMI.
Akryvaŭlenaje cieła eks-deputata, paviedamlajuć rasijskija krynicy, znajšli na śniezie na terytoryi parkavaj zony hatela «Vielič' Country Club» u padmaskoŭnaj vioscy Supanieva.
Pa infarmacyi Mash, na pravaj skroni była rezanaja rana, na levaj častcy tvaru — hiematoma.
Va Ukrainie śćviardžajuć, što Kiva byŭ zabity z ahniastrelnaj zbroi i heta śpiecapieracyja SBU.
46-hadovy Kiva ŭciok z Ukrainy ŭ studzieni 2022 hoda. Žyŭ u Rasii, padtrymaŭ akupacyju, krytykavaŭ ukrainskija ŭłady.
Illa Kiva viadomy jak palityk, jaki ciaham svajoj karjery pierabiahaŭ z adnaho łahiera ŭ inšy, prytym jany byli procilehłyja. Tak, kali padčas Jeŭramajdana jon byŭ kiraŭnikom pałtaŭskaj arhanizacyi «Pravaha siektara», to paśla zbliziŭsia z prarasijskimi siłami. Spačatku jon uznačaliŭ niekali ŭpłyvovuju, a ciapier marhinalnuju Sacyjalistyčnuju partyju Ukrainy, a paśla staŭ deputatam ad asnoŭnaj prarasijskaj siły va Ukrainie — Apazicyjnaj płatformy «Za žyćcio». Jon vyznačaŭsia skandalnymi pavodzinami i rezkimi epatažnymi zajavami.
Siarod inšaha Kivu časta cytavała aficyjnaja biełaruskaja prapahanda.
U sakaviku 2023 hoda Illu Kivu pazbavili mandata pa vynikach hałasavańnia na pasiadžeńni Viarchoŭnaj rady. Hienprakuratura Ukrainy abvinavaciła byłoha parłamientaryja ŭ dziaržaŭnaj zdradzie. Sud Lvova zavočna prysudziŭ Kivu da 14 hadoŭ pazbaŭleńnia voli z kanfiskacyjaj majomaści.
U apošnim dopisie ŭ svaim kanale Kiva akurat pisaŭ pra śmierć, ale nie svaju, a Uładzimira Zialenskaha.
«Zakanamierny kaniec vyradka, jaki patapiŭ narod u kryvi. Lepš zaraz skončyć žyćcio samahubstvam, jak heta rabili zaŭsiody tyja, chto prajhraŭ, kab zabrać usie prablemy z saboj i zakryć pytańnie», — rekamiendavaŭ Kiva ŭkrainskamu prezidentu.
Čytajcie taksama:
U Łuhansku padarvali mašynu ź miascovym «deputatam»
SBU likvidavała charkaŭskaha kałabaranta, jaki ŭciok u Rasiju — miedyja
U Simfieropali adkryli pomnik kałabarantu Kiryłu Stramavusavu
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary